കൊല്ലം: ദേശീയ സീനിയര് വനിതാ ഹോക്കി എ ഡിവിഷന് ചാമ്പ്യന്ഷിപ്പില് നിന്നും ആതിഥേയരായ കേരളം പുറത്ത്. രണ്ടാം തോല്വി ഏറ്റുവാങ്ങിയാണ് കേരളം ടൂര്ണമെന്റില് നിും പുറത്തായത്.പൂള് എയിലെ മത്സരത്തില് ഹോക്കി ഹിമാചല് കേരളത്തെ ഒന്നിനെതിരെ മൂന്ന് ഗോളുകള്ക്ക് തോല്പിച്ചു. കളി തുടങ്ങി മൂന്നാം മിനിറ്റില് തന്നെ ലഭിച്ച പെനാല്ട്ടി കോര്ണര് ഗോളാക്കി മാറ്റി സുനിത ഹിമാചലിനെ മുന്നിലെത്തിച്ചു.
ഇരുപത്തിനാലാം മിനുട്ടില് ലഭിച്ച പെനാല്ട്ടി സ്ട്രോക്ക് റിതു ലക്ഷ്യത്തിലെത്തിച്ചപ്പോള് ഹിമാചലിന്റെ ലീഡ് രണ്ടായി ഉയര്ന്നു.ഇരുപത്തിയഞ്ചാം മിനുട്ടില് സരിഗയിലൂടെ കേരളം ഒരു ഗോള് മടക്കി. തുടരെ ഡി സര്ക്കിളില് ഇരമ്പിയെത്തിയ ഹിമാചലിനെ പ്രതിരോധിക്കാന് കേരള താരങ്ങള് നന്നെ പാടുപെട്ടു. മുപ്പത്തിയാറാം മിനു’ില് ലഭിച്ച പെനാല്ട്ടി കോര്ണര് ഗോളാക്കി മാറ്റി നിധി ഹിമാചലിന്റെ ലീഡ് 3-1 ആക്കി. സമ്മര്ദ്ദത്തില് പെ’് കളിച്ച കേരള ടീം പിഴവുകള് ആവര്ത്തിച്ചപ്പോള് ഹിമാചലിന് പലതവണ ഗോളവസരങ്ങള് തുറന്നുകിട്ടി.ലഭിച്ച പെനാല്ട്ടി കോര്ണറുകള് പോലും ഗോളാക്കാനാകാതെ കേരളം പകച്ചുനിന്നപ്പോള് പൂള് എയില് നിന്നും ടീം ക്വാര്ട്ടര് ഫൈനല് കാണാതെ പുറത്തേക്ക്.നേരത്തെ ഒഡീഷയോട് ഒന്നിനെതിരെ മൂന്ന് ഗോളുകള്ക്ക് കേരളം തോല്വി വഴങ്ങിയിരുന്നു. പൂള് എ പോയിന്റ് പട്ടികയില് നാലാം സ്ഥാനത്താണ് കേരളം.
കളിച്ച രണ്ട് മത്സരങ്ങളും തോറ്റ കേരളത്തിന് പോയിന്റൊന്നും ഇല്ല.നാളെ(ഞായര്)രാവിലെ 7.30ന് നടക്കുന്ന മത്സരത്തില് കരുത്തരായ മധ്യപ്രദേശാണ് കേരളത്തിന്റെ എതിരാളി.പൂള് ബിയില് സായി (സ്പോര്ട്സ് അതോറിറ്റി ഓഫ് ഇന്ത്യ) തുടര്ച്ചയായ രണ്ടാം ജയവുമായി ക്വാര്ട്ടര് ഫൈനല് സാധ്യത സജീവമാക്കി.കര്ണാടകയെ എതിരില്ലാത്ത ഒരു ഗോളിനാണ് സായി തോല്പിച്ചത്. 39ആം മിനുട്ടില് ബേതാന് ഡങ് ഡങ് സായിയുടെ വിജയഗോള് നേടി.പൂള് സിയില് പഞ്ചാബ്-ചണ്ഡീഗഢ് മത്സരം സമനിലയില് കലാശിച്ചു. ഇരുടീമുകളും രണ്ട് ഗോള് വീതം നേടി.പഞ്ചാബിനായി ബല്ജീത് കൗറും അര്ഷ് ദീപ് കൗറും ഗോള് നേടിയപ്പോള് ദപാ ദേവിയിലൂടെയും ഷാലു മന്നിലൂടെയും ചണ്ഡീഗഡ് ഗോളുകള് മടക്കി. പൂള് ഡി യില് സി ആര് പി എഫ്-മധ്യപ്രദേശ് ഹോക്കി അക്കാദമി മത്സരം സമനിലയില് കലാശിച്ചു. ഇരുടീമുകളും ഓരോ ഗോള് വീതം നേടി.മധ്യപ്രദേശ് ഹോക്കി അക്കാദമിയ്ക്കായി കരിഷ്മ യാദവും സി ആര് പി എഫിനായി പൂജാ യാദവും ഗോള് നേടി.പൂള് ഡിയിലെ മറ്റൊരു മത്സരത്തില് ജാര്ഖണ്ഡ് 7-1ന് ഛത്തിസ്ഗഢിനെ തകര്ത്തു.
ജാര്ഖണ്ഡിനായി ബ്യൂ’ി ഡങ് ഡങ്ങും രേഷ്മ സോറെംഗും സംഗീത കുമാരിയും ഇരട്ടഗോളുകള് നേടി. ഛത്തിസ് ഗഡിന്റെ ആശ്വാസഗോള് അഞ്ജലി മഹാത്തോയുടെ വകയായിരുന്നു.ഞായറാഴ്ച ടൂര്ണമെന്റില് ആറ് മത്സരങ്ങള് നടക്കും.രാവിലെ ഹോക്കി ഹരിയാന ഹോക്കി കര്ണാടകയുമായി ഏറ്റുമുട്ടും. മറ്റ് മത്സരങ്ങളില് ഉത്തര്പ്രദേശ് തമിഴ്നാടിനെയും മഹാരാഷ്ട്ര പഞ്ചാബിനെയും നേരിടും.ജാര്ഖണ്ഡിന് മധ്യപ്രദേശ് ഹോക്കി അക്കാദമിയും സി ആര് പി എഫിന് ഛത്തിസ്ഗഢുമാണ് എതിരാളികള്.
അയർലണ്ടിലെ നഴ്സിംഗ് ഹോമുകൾക്കും ആരോഗ്യപരിചരണ മേഖലയ്ക്കും നിർണായകമായ തൊഴിൽക്ഷാമം പരിഹരിക്കുന്നതിനായി എംപ്ലോയ്മെന്റ് പെർമിറ്റ് സംവിധാനത്തിൽ സുപ്രധാന മാറ്റങ്ങൾ കൊണ്ടുവരാൻ സർക്കാർ…
പാസ്പോര്ട്ട്, ആധാര് കാര്ഡ്, വോട്ടര് ഐഡി തുടങ്ങിയ രേഖകള് നിയമപരമായി പൗരത്വത്തിന്റെ അന്തിമ തെളിവല്ലെന്ന് വിദേശകാര്യ മന്ത്രാലയം വ്യക്തമാക്കിയത് രാജ്യത്ത്…
ഡൽഹി: ആഫ്രിക്കൻ രാജ്യങ്ങളിൽ എബോള രോഗബാധ പടരുന്ന സാഹചര്യത്തിൽ, പ്രതിരോധ നടപടികൾ ശക്തമാക്കി കേന്ദ്ര സർക്കാർ. എബോള ബാധിത രാജ്യങ്ങളിൽ…
നട്സിൽ ആരോഗ്യകരമായ കൊഴുപ്പ്, പ്രോട്ടീൻ, വിറ്റാമിനുകൾ, മിനറൽ, ആന്റിഓക്സിഡന്റുകൾ എന്നിവ ധാരാളം അടങ്ങിയിട്ടുണ്ട്. ഇത് ഓർമ്മശക്തി കൂട്ടാനും ശ്രദ്ധ കേന്ദ്രീകരിക്കാനും…
ഫ്രാൻസ്: കോംഗോയിലെ നിന്ന് മടങ്ങിയെത്തിയ ഡോക്ടർക്ക് എബോള സ്ഥിരീകരിച്ചതായി ഫ്രാൻസ് ആരോഗ്യ മന്ത്രാലയം. രാജ്യത്ത് ആദ്യമായാണ് എബോള ബാധ സ്ഥിരീകരിച്ചത്.…
അയർലണ്ടിലെ ആരോഗ്യ സേവന സ്ഥാപനമായ ഹെൽത്ത് സർവീസ് എക്സിക്യൂട്ടീവ് (HSE) മെയ് മാസാവസാനത്തോടെ ബജറ്റിനേക്കാൾ €400 മില്യൺ അധിക ചെലവിലായതായി…