ഗർഭിണിയായ ഭാര്യയ്ക്ക് ആൺകുഞ്ഞ് ആണോ എന്നറിയാൻ യുവാവ് വയറു കീറി പരിശോധിച്ചു

ലക്നൗ: വിചിത്രമായ പല കാര്യങ്ങളും നമ്മൾ ജീവിതത്തിൽ കേട്ടിരിക്കാം , ചിലപ്പോൾ നമുക്ക് പലതിനും സാക്ഷ്യം വഹിക്കേണ്ടി വന്നേക്കാം. എന്നാൽ സ്വന്തം ഭാര്യയുടെ വയറ്റിലെ കുഞ്ഞ് ആൺകുട്ടി ആണോ എന്നറിയാൻ കറിക്കത്തി കൊണ്ട് മുറിച്ച യുവാവ് പോലീസ് പിടിയിൽ . ഉത്തർപ്രദേശിലെ നേക്പൂർ എന്ന സ്ഥലത്താണ് ജനത്തെ ഞെട്ടിക്കുന്ന ഈ സംഭവം നടന്നത്. നേക് പൂരിലെ പന്നലാൽ എന്ന യുവാവാണ് തന്റെ മുപ്പത്തിയഞ്ചുകാരിയായ ഭാര്യയുടെ വയർ കറി കത്തി കൊണ്ട് മുറിച്ച് തനിക്ക് ജനിക്കാൻ പോകുന്ന കുഞ്ഞ് ആൺ കുഞ്ഞ് ആണോ എന്ന് പരിശോധിച്ചത്.

അഞ്ചു പെൺമക്കളുള്ള പന്നാലാൽ തനിക്ക് ഒരാൺകുഞ്ഞ് പിറക്കാത്തതിൽ മാനസികസംഘർഷം അനുഭവിച്ചിരുന്നതായി അയൽവാസികളും ബന്ധുക്കളും പറഞ്ഞു.
തന്റെ കുഞ്ഞ് ആണാണോ എന്നറിയാനുള്ള ആകാംക്ഷയിലാണ് യുവാവ് ഈ അതിക്രമം ചെയ്തത് എന്നാണ് പരിസരവാസികൾ ആരോപിക്കുന്നത്. യുവാവിന്റെ പരാക്രമത്തിൽ യുവതിക്ക് ജീവഹാനി വരെ സംഭവിച്ചേക്കാമായിരുന്നുവെന്ന് പരിസരവാസികൾ അഭിപ്രായപ്പെട്ടു. തൽസമയത്ത് സംഭവസ്ഥലത്തെത്തി ചേർന്ന് പരിസരവാസികൾ ആണ് പരിക്കേറ്റ യുവതിയെ ആശുപത്രിയിലെത്തിച്ചത്. തുടർന്ന് നാട്ടുകാരുടെ പരാതിയിന്മേൽ യുവാവിനെതിരെ പോലീസ് കേസെടുത്തു