സ്ത്രീയെ ആക്രമിച്ച നായയെ വെടിവയ്ക്കാൻ ശ്രമിക്കുന്നതിനിടെ ഉടമ കൊല്ലപ്പെട്ടു; പ്രതിക്കായി തെരച്ചിൽ

ഫ്ലോറിഡ: ഫ്ലോറിഡയിലെ ലീസ്ബെർഗിൽ ഒരു സ്ത്രീയെ ആക്രമിച്ച നായയെ വെടിവയ്ക്കാൻ ശ്രമിക്കുന്നതിനിടെ നായയുടെ ഉടമസ്ഥൻ വെടിയേറ്റ് മരിച്ചു.43 വയസ്സുകാരനായ മാത്യു ലീ പാസ്കോയാണ് പ്രതി

വെള്ളിയാഴ്ച രാവിലെ ഫ്ലോറിഡയിലുള്ള ലീസ്ബർഗിലാണ് സംഭവം. രാവിലെ ഒരു സ്ത്രീയെ നായ ആക്രമിക്കുന്നത് കണ്ട മാത്യു ലീ പാസ്കോ,നായയെ വെടിവച്ചു വീഴ്ത്താൻ ശ്രമിക്കുകയായിരുന്നു. എന്നാൽ വെടിയുണ്ടയേറ്റത് നായയുടെ ഉടമയ്ക്കാണ്. ആശുപത്രിയിൽ എത്തിച്ചെങ്കിലും ഇയാൾ മരണപ്പെട്ടു. ആക്രമണത്തിൽ പരിക്കേറ്റ സ്ത്രീ ചികിത്സയിലാണ്.

സംഭവത്തിന് ശേഷം സ്ഥലത്തുനിന്നും ഓടി രക്ഷപ്പെട്ട മാത്യുവിനായി പോലീസ് ഊർജിതമായ തെരച്ചിൽ ആരംഭിച്ചു. ഇയാൾ ആയുധധാരിയാണെന്നും കണ്ടുപിടിക്കുന്നവർ ഉടൻ പോലീസിനെ അറിയിക്കണമെന്നും അധികൃതർ നിർദ്ദേശം നൽകിയിട്ടുണ്ട്. പ്രതിയെ പിടികൂടാനുള്ള ശ്രമത്തിനിടെ പ്രദേശത്തെ ഒരു സ്കൂൾ താൽക്കാലികമായി അടച്ചിടുകയും ചെയ്തു. കേസിൽ അന്വേഷണം പുരോഗമിക്കുകയാണ്.

റിപ്പോർട്ട്: പി പി ചെറിയാൻ

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb