ഡെമോക്രാറ്റിക് പാർട്ടിയുടെ തന്ത്രങ്ങൾ നിയന്ത്രിക്കുന്നത് നേതൃത്വമെന്ന് ഒകാസിയോ-കോർട്ടെസ്

പി പി ചെറിയാൻ

വാഷിംഗ്‌ടൺ ഡി സി :ഡെമോക്രാറ്റിക് പാർട്ടിയുടെ തന്ത്രങ്ങൾ നിയന്ത്രിക്കുന്നത് നേതൃത്വമാണെന്ന് കോൺഗ്രസ് അംഗം അലക്സാണ്ട്രിയ ഒകാസിയോ-കോർട്ടെസ് ഒരു  അഭിമുഖത്തിൽ വ്യക്തമാക്കി. തന്നെക്കുറിച്ചുള്ള റിപ്പബ്ലിക്കൻ നേതാക്കളുടെ ആരോപണങ്ങൾ തള്ളിക്കളഞ്ഞ അവർ, “എന്നെക്കുറിച്ച് അവർ മാധ്യമങ്ങളിൽ പലതും പറയുന്നു, എന്നാൽ സത്യം എന്തെന്ന് എല്ലാവർക്കും അറിയാം ” അവർ  പറഞ്ഞു.

പ്രതിസന്ധി ഘട്ടങ്ങളിൽ അവർ ചർച്ച ചെയ്യുന്നത് ഹൗസ് ഡെമോക്രാറ്റിക് നേതാവ് ഹക്കീം ജെഫ്രീസുമായും സെനറ്റ് ഡെമോക്രാറ്റിക് നേതാവ് ചക്ക് ഷൂമറുമായാണെന്നും അവർ കൂട്ടിച്ചേർത്തു.

2028-ലെ സെനറ്റ് പ്രൈമറിയിൽ ഷൂമറിനെ ഒകാസിയോ-കോർട്ടെസ് വെല്ലുവിളിച്ചേക്കാം എന്ന ഊഹാപോഹങ്ങൾ റിപ്പബ്ലിക്കൻ നേതാക്കൾ ഉന്നയിക്കുന്നുണ്ടെങ്കിലും, ഒകാസിയോ-കോർട്ടെസ് ഈ സാധ്യത തള്ളിക്കളഞ്ഞില്ല .നിലവിലെ പ്രശ്നങ്ങളിൽ വോട്ടർമാർക്ക് ഈ വിഷയത്തിൽ ആശങ്കയില്ലെന്ന് അവർ പറഞ്ഞു. “ആളുകൾ മരിക്കാൻ പോകുകയാണ്. വർഷങ്ങൾക്കപ്പുറമുള്ള ഒരു തിരഞ്ഞെടുപ്പിനെക്കുറിച്ച് ആരും ശ്രദ്ധിക്കുന്നില്ല. തങ്ങളുടെ കുട്ടികൾക്ക് ഇൻസുലിൻ ലഭിക്കുമോ, ഭക്ഷണം കഴിക്കാൻ കഴിയുമോ എന്നതിലാണ് അവർക്ക് ശ്രദ്ധ,” അവർ പറഞ്ഞു.

ഷട്ട്ഡൗൺ അവസാനിപ്പിക്കാനുള്ള ആവശ്യങ്ങളിൽ ഡെമോക്രാറ്റിക് കോക്കസ് “അങ്ങേയറ്റം ഒറ്റക്കെട്ടാണെ”ന്നും, വൈറ്റ് ഹൗസിലെ  ഭീഷണികളെ താനോ സഹ ഡെമോക്രാറ്റുകളോ ഭയപ്പെടുന്നില്ലെന്നും അവർ കൂട്ടിച്ചേർത്തു. ചർച്ചകളിൽ താൻ മുൻനിരയിൽ ഉണ്ടാകേണ്ട ആവശ്യമില്ലെന്നും, കാരണം റിപ്പബ്ലിക്കൻമാർ സംസാരിക്കുന്നത് ജെഫ്രീസുമായും ഷൂമറുമായിട്ടാണെന്നും ഡെമോക്രാറ്റുകൾ ഈ ലക്ഷ്യത്തിൽ ഒറ്റക്കെട്ടാണെന്നും ഒകാസിയോ-കോർട്ടെസ് ഊന്നിപ്പറഞ്ഞു.

Follow Us on Instagram!

GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb