കൊറോണയേക്കാള്‍ അപകടകാരിയാണ് ബി.ജെ.പിയെന്ന് നുസ്രത്ത് ജഹാന്‍

ന്യൂഡല്‍ഹി: ഇന്ത്യയിലെ കൊറോണയേക്കാള്‍ അപകടം പിടിച്ചതാണ് ബി.ജെ.പിയെന്ന് തൃണമൂര്‍ കോണ്‍ഗ്രസ് എം.പി. നുസ്രത്ത് ജഹാന്‍ വ്യക്തമാക്കി. മതത്തിന്റെ പേരില്‍ ഒരു രാജ്യത്തെ ജനങ്ങളെ തമ്മില്‍ പരസ്പരം തമ്മിലടിപ്പിക്കുകയാണ് ബി.ജെ.പി ഇന്ത്യയില്‍ കഴിഞ്ഞ പത്തു വര്‍ഷമായി ചെയ്തു കൊണ്ടിരിക്കുന്നത് എന്നാണ് നുസ്രത്ത് ജഹാന്റെ ആരോപണം. ബാഷിര്‍ഹത് മണ്ഡലത്തില്‍ നന്ന ഒരുരക്തദാന ചടങ്ങില്‍ സംസാരിക്കവേയാണ് നുസ്രത്ത് ജഹാന്‍ ഇക്കാര്യം അഭിപ്രായപ്പെട്ടത്.

‘കൊറോണയെക്കാള്‍ എന്താണ് അപകടകാരിയെന്ന് നിങ്ങള്‍ക്ക് അറിയാമോ, അത് ബി.ജെ.പിയാണ്. എന്താണെന്നാല്‍ അവര്‍ക്ക് മനുഷ്യത്വം എന്താണെന്ന് അറിയില്ലെ്‌നനു മാത്രമല്ല കഠിനാധ്വാനത്തിന്റെ മൂല്യവും അവര്‍ക്കറിയില്ല. എന്നാല്‍ നുസ്രത്ത് ഈ പരാമര്‍ശം ഉന്നയിച്ചപ്പോള്‍ അതിന് മറുപടിയായി ബി.ജെ.പി രംഗത്ത് എത്തി. എന്നാല്‍ അവര്‍ പ്രീണന രാഷ്ട്രീയമാണ് നടത്തുന്നതെന്ന് ബി.ജെ.പിയുടെ സമൂഹമാധ്യമ തലവനും ബംഗാള്‍ തിരഞ്ഞെടുപ്പ് കോ-കണ്‍വീനറുമായ അമിത് മാളവ്യ പ്രസ്താവിച്ചു.