യാത്രാവിലക്ക് സൗദി പിന്‍വലിച്ചു : അതിര്‍ത്തികള്‍ ഇന്ന് തുറക്കും

റിയാദ്: കോവിഡിന്റെ പെട്ടെന്നുള്ള വ്യാപനത്തെ തുടര്‍ന്ന് സൗദി അറേബ്യ അടച്ചിരുന്ന അതിര്‍ത്തികള്‍ എല്ലാം തന്നെ തുറക്കും. താല്‍ക്കാലികമായി നിര്‍ത്തിവച്ചിരുന്ന എല്ലാ യാത്രകളും പുനരാരംഭിക്കാന്‍ ഗവണ്‍മെന്റ് തീരുമാനമായി. ഡിസംബര്‍ 20 മുതലായിരുന്നു സൗദിഅറേബ്യ എല്ലാ യാത്രകളും വിലക്കിയിരുന്നത്. വിലക്ക് പിന്‍വലിച്ചതോടെ ഞായറാഴ്ച മുതല്‍ എല്ലാ വിമാന സര്‍വ്വീസുകളും പുനരാരാംഭിക്കുമെന്ന് വ്യോമയാന മന്ത്രാലയം അറിയിച്ചു.

എന്നാല്‍ അന്താരാഷ്ട്ര സര്‍വ്വീസുകള്‍ ഇപ്പോഴും പൂര്‍ണ്ണമായും തുറന്നിട്ടില്ല. അതിനാല്‍ ഇന്തയിലെ യാത്രക്കാര്‍ക്ക് നേരിട്ട് സൗദി അറേബ്യയിലേക്ക് എത്താന്‍ ചില സാങ്കേതിക ബുദ്ധിമുട്ടുകള്‍ നേരിടേണ്ടി വന്നേക്കാം. എന്നാല്‍ ഇന്ത്യക്കാര്‍ക്ക് യു.എ.ഇയില്‍ ചെന്ന് അവിടെത്ത ഒരാഴ്ച ക്വാറന്‍ന്റൈന്‍ പൂര്‍ത്തിയാക്കിയിട്ട് സൗദി അറേബ്യയിലേക്ക് പോവാന്‍ സാധിക്കും.