‘തട്ടാന്‍ തീരുമാനിച്ചാല്‍ ഗ്രൂപ്പിലിട്ട് തട്ടണം’; ഗൂഢാലോചനക്കേസിൽ ശബ്ദരേഖ പുറത്തുവിട്ടു

കൊച്ചി: ഉദ്യോഗസ്ഥരെ വധിക്കാന്‍ ദിലീപ് ഗൂഢാലോചന നടത്തിയതിന് തെളിവായി കോടതിയില്‍ നല്‍കിയ ശബ്ദരേഖ സംവിധായകന്‍ ബാലചന്ദ്രകുമാര്‍ പുറത്തുവിട്ടു. കേസില്‍ പ്രോസിക്യൂഷന്‍ സൂചിപ്പിച്ച ശബ്ദരേഖയാണിത്. ‘ഒരാളെ തട്ടാന്‍ തീരുമാനിച്ചാല്‍ ഗ്രൂപ്പിലിട്ട് തട്ടണം’ എന്ന ഭാഗം ഓഡിയോയില്‍ വ്യക്തമാണ്. അന്വേഷണ ഉദ്യോഗസ്ഥനെ വധിക്കാന്‍ സഹോദരന്‍ അനൂപിന് ദിലീപ് നല്‍കിയ നിര്‍ദേശമാണിത് എന്നായിരുന്നു ബാലചന്ദ്രകുമാറിന്റെ ആരോപണം.