കീറ്റോ ഡയറ്റ് : നടി വൃക്ക തകർന്ന് മരിച്ചു

ബാംഗ്ലൂർ : മിക്ക നടിമാരും മോഡലുകളും തങ്ങളുടെ ശരീര സംരക്ഷണത്തിന്റെ ഭാഗമായി പലവിധ ഡയറ്റുകൾ ശീലിക്കാറുണ്ട്. യൂട്യൂബ് വീഡിയോകൾ കണ്ട് അത്തരം ഡയറ്റുകൾ പിന്തുടർന്നു വരുന്ന പൊതുജനങ്ങളെയും നമുക്കറിയാം. എന്നാലിതാ നടിയും മോഡലുമായ മിസ്തി മുഖർജി കീറ്റോ ഡയറ്റ് പിന്തുടർന്ന് വൃക്ക തകരാറിലായി ഇന്നലെ ബാംഗ്ലൂരിൽ അന്തരിച്ചു. നിരവധി സിനിമകളിലും പരസ്യചിത്രങ്ങളിലും സജീവമായിരുന്നു അന്തരിച്ച മിസ്തി മുഖർജി .

വളരെ ശക്തമായ രീതിയിലുള്ള കീറ്റോ ഡയറ്റ് അവർ പിന്തുടരുകയും തന്മൂലം വളരെ ശാരീരിക, മാനസിക ബുദ്ധിമുട്ടുകളും നടി അനുഭവിച്ചതായും തുടർന്ന് നടിയുടെ വൃക്കകൾ തകരാറിലാവുകയും ചെയ്ത് ആശുപത്രിയിൽ പ്രവേശിക്കപ്പെടുകയായിരുന്നു എന്ന് ബന്ധുമിത്രാദികൾ പറഞ്ഞു. വിവാദങ്ങളിൽ ആയിരുന്നു എന്നും നടി നിറഞ്ഞുനിന്നിരുന്നത്. വിവാദങ്ങളിൽ പെട്ട് അപകീർത്തി കേസും മിസ്തി മുഖർജിക്കെതിരെ ഉണ്ടായിരുന്നു. നിരവധി ഹിന്ദി ബംഗാളി കന്നഡ തെലുങ്ക് സിനിമകളിൽ ശ്രദ്ധിക്കപ്പെടുന്ന കഥാപാത്രങ്ങൾ ചെയ്തിരുന്നു. 2014 ൽ നടി കൈവശം കുറെ നഗ്നചിത്രങ്ങൾ സൂക്ഷിച്ചു എന്നും തുടർന്ന് അച്ഛനും സഹോദരനും ഒപ്പം ഓൺലൈൻ വേശ്യാവൃത്തി കേസിൽ ഉൾപ്പെട്ട് വിവാദങ്ങളിൽ പെട്ടിരുന്നു.