കൊറോണ വ്യാപനം; സംസ്ഥാനത്ത് തീയേറ്ററുകൾ തുറക്കാൻ വൈകും

തിരുവനന്തപുരം: കൊറോണ വ്യാപനം കണക്കിലെടുത്ത് തീയേറ്ററുകൾ വീണ്ടും തുറക്കുന്നത് വൈകുമെന്ന് സംസ്ഥാന സർക്കാർ വ്യാഴാഴ്ച മലയാള ചലച്ചിത്ര മേഖലയെ അറിയിച്ചു. മുഖ്യമന്ത്രി വിവിധ ചലച്ചിത്ര സംഘടനകളുമായി നടത്തിയ ചര്‍ച്ചയിലാണ് ഇതുസംബന്ധിച്ച് തീരുമാനം എടുത്തത്. ചർച്ചയിൽ സിനിമാ മന്ത്രി എ.കെ. ബാലനും പങ്കെടുത്തു.

രോഗവ്യാപനം നിയന്ത്രണമല്ലാത്ത ഈ സാഹചര്യത്തില്‍ തീയറ്ററുകള്‍ ഉടന്‍ തുറക്കേണ്ടതില്ലെന്ന് തീരുമാനം എടുക്കുകയായിരുന്നു. തീയറ്ററുകള്‍ തുറന്നാൽ രോഗവ്യാപനം വര്‍ധിപ്പിക്കുമെന്ന ആശങ്കയുമുണ്ട് എന്നാൽ കേന്ദ്ര സര്‍ക്കാര്‍ തിയേറ്ററുകള്‍ തുറക്കുന്നതിന് അനുമതി നല്‍കിയിട്ടുണ്ട്. ഒന്നിടവിട്ട സീറ്റുകളില്‍ ആളെ ഇരുത്തി തിയേറ്ററുകള്‍ തുറക്കാനാണ് കേന്ദ്ര സര്‍ക്കാര്‍ അനുമതി നൽകിയത്.

തമിഴ്‌നാട് അടക്കമുള്ള സംസ്ഥാനങ്ങളിൽ കോവിഡ് പ്രോട്ടോകോൾ പാലിച്ചു തിയേറ്ററുകള്‍ തുറന്നിട്ടുണ്ട്.