ജീത്തു ജോസഫ് ചിത്രം ‘ദൃശ്യം’ ഇന്തോനേഷ്യയിൽ റീമേക് ചെയ്യുന്നു

മോഹന്‍ലാല്‍ അഭിനയിച്ച് ജീത്തു ജോസഫ് സംവിധാനം ചെയ്ത ചിത്രം ‘ദൃശ്യം’ ഇന്തോനേഷ്യയിൽ റീമേക് ചെയ്യുന്നു. നിർമ്മാതാവ് ആന്റണി പെരുമ്പാവൂർ ആണ് വിവരം ഫേസ്ബുക്ക് പോസ്റ്റിലൂടെ അറിയിച്ചത്. ഇന്തോനേഷ്യൻ ഭാഷയിലേക്കു റീമേക് ചെയ്യുന്ന ആദ്യ മലയാള ചിത്രമാണ് ‘ദൃശ്യം’.

ഈ ചിത്രം തമിഴ്, തെലുങ്ക്, കന്നഡ, ഹിന്ദി ഭാഷകളിലേക്കും റീമേക്ക് ചെയ്യപ്പെടുകയുണ്ടായി. 2013 ൽ ഇറങ്ങിയ ദൃശ്യത്തിന്റെ ഒന്നാം ഭാഗം ആറ് ഭാഷകളിലേക്ക് റീമേക്ക് ചെയ്യപ്പെട്ടിരുന്നു. 100 ദിവസത്തിനു മുകളില്‍ തിയേറ്ററുകളില്‍ പ്രദര്‍ശിപ്പിച്ച ചിത്രം ആണ് ദൃശ്യത്തിന്റെ ഒന്നാം ഭാഗം.