”2011 ലെ തന്റെ ഏറ്റവും മികച്ച അയര്‍ലണ്ട് സന്ദര്‍ശനമായിന്നു അത് ” -ക്വീന്‍ എലിസബത്ത്

അയര്‍ലണ്ട്: ക്വീന്‍ എലിസബത്തിന്റെ ഏറ്റവും നല്ലൊരു അയര്‍ലണ്ട് സന്ദര്‍ശനമായിരുന്നു 2011 ലേത് എന്ന് അവര്‍ പലപ്പോഴും വെളിപ്പെടുത്തിയിട്ടുണ്ടെന്ന് മുന്‍ പ്രസിഡണ്ട് മാരി മക്അലീസ് വെളിപ്പെടുത്തി. കഴിഞ്ഞ ദിവസം ലേറ്റ് ലേറ്റ് ഷോയില്‍ സംസാരിക്കവേയാണ് മാരി മക്അലീസ് 9 വര്‍ഷം മുന്‍പത്തെ ക്വീന്‍ എലിസബത്തിന്റെ സന്ദര്‍ശനത്തെക്കുറിച്ച് ഓര്‍ത്തതും അതേക്കുറിച്ച് വാതോരാതെ സംസാരിച്ചതും.

”ഒരിക്കലും അവര്‍ തന്റെ പദവിയേയും സ്ഥാനമാനങ്ങളും കൊണ്ടായിരുന്നില്ല അയര്‍ലണ്ടില്‍ സന്ദര്‍ശനത്തിന് എത്തിയിരുന്നത്. തികച്ചും ഒരു സാധാരണ സ്ത്രീ ആയിട്ടായിരുന്നു. ആ സന്ദര്‍ശനം അവര്‍ക്ക് വളരെ പ്രിയപ്പെട്ടതായിരുന്നു. നാലു ദിവസത്തെ ഗംഭീരമായ സന്ദര്‍ശനം കഴിഞ്ഞ് അവര്‍ കോര്‍ക്ക് എയര്‍പോര്‍ട്ടില്‍ നിന്നും പോയിക്കഴിഞ്ഞ് തിരിച്ച് ഫൈ്‌ളറ്റ് നിലത്തിറങ്ങിയതും ആ നിമിഷം അവരുടെ ഡപ്യൂട്ടി പ്രൈറ്റ് സെക്രട്ടറിയുടെ ഫോണ്‍ കോള്‍ ഞങ്ങള്‍ സ്വീകരിച്ചു. അവരുടെ ഏറ്റവും മികച്ച സന്ദര്‍ശനമായിരുന്നു എന്നാണ് ഞങ്ങള്‍ക്ക് ലഭിച്ച സന്ദേശം’ മാരി മക്അലീസ് ഓര്‍ത്തെടുത്തു പറഞ്ഞു.