കൊച്ചി: പൃഥ്വിരാജിന്റെ നിര്മ്മാണത്തില് പൂര്ണ്ണമായും വിര്ച്വല് രീതിയില് ഒരു സിനിമ ഒരുങ്ങുന്നു. ഇന്ത്യയില് ആദ്യമായാണ് ഇത്തരത്തില് പൂര്ണ്ണമായി വിര്ച്വലില് ഒരു സിനിമ നിര്മ്മിക്കുന്നത്.
സിനിമയുടെ മറ്റു വിവരങ്ങള് വരും ദിവസങ്ങളില് അറിയിക്കും. പൃഥ്വിരാജിന്റെ പൃഥ്വിരാജ് പ്രൊഡക്ഷന്സും മാജിക് ഫ്രയിംസും ചേര്ന്നാണ് നിര്മ്മാണം.
ഗോകുല് രാജ് ഭാസ്കര് ആണ് ആശയവും സംവിധാനവും. മലയാളം, ഹിന്ദി, തെലുങ്ക്, തമിഴ്, കന്നഡ ഭാഷകളിലായാണ് സിനിമ ഒരുക്കുന്നത്.
മാറുന്ന കാലത്തിനനുസരിച്ച് മാറുന്ന സിനിമ എന്ന ആശയം മുന്നിര്ത്തിക്കൊണ്ടാണ് പൃഥ്വിരാജ് ഈ സിനിമ പ്രഖ്യാപിച്ചിരിക്കുന്നത്.
ജെനൂസ് മുഹമ്മദ് സംവിധാനം ചെയ്ത ‘9’, ജീന് പോള് ലാല് സംവിധാനം ചെയ്ത ഡ്രൈവിംഗ് ലൈസന്സ് എന്നീ ചിത്രങ്ങളാണ് ഇതിനുമുന്പ് പൃഥ്വിരാജ് പ്രൊഡക്ഷന്സ് നിര്മ്മിച്ചിട്ടുള്ളത്. ഇരു ചിത്രങ്ങളിലും നായകനും പൃഥ്വിരാജ് ആയിരുന്നു.
അതേസമയം ബ്ലെസ്സിയുടെ ആടുജീവിതമാണ് നിലവില് പ്രൊഡക്ഷനിലുള്ള പൃഥ്വിരാജ് ചിത്രം. ഒരു ഷെഡ്യൂള് കൂടി അവശേഷിക്കുന്ന ആടുജീവിതത്തിന് ജോര്ദ്ദാനിലും സഹാറ മരുഭൂമിയിലും ചിത്രീകരണം ബാക്കിയുണ്ട്. ബെന്യാമിന്റെ പ്രശസ്ത നോവലാണ് ബ്ലെസ്സി സിനിമയാക്കുന്നത്.
ആഷിഖ് അബുവിന്റെ വാരിയംകുന്നനും പൃഥ്വിരാജിന്റേതായി അടുത്ത് പ്രതീക്ഷിക്കുന്ന സിനിമയാണ്.
തിരുവനന്തപുരം: നടപ്പുസാമ്പത്തിക വർഷത്തിലെ ആദ്യ അഞ്ചു മാസം കേരള സര്ക്കാരിന്റെ നികുതി വരുമാനം മുന് വര്ഷത്തെ അപേക്ഷിച്ച് വർധിച്ചതായി റിപ്പോർട്ട്.…
Cork: അയർലണ്ടിലെ പുതിയ റെയിൽവേ സ്റ്റേഷനായി Blackpool-ൽ നിർമിക്കുന്ന സ്റ്റേഷന് പ്ലാനിങ് അനുമതി ലഭിച്ചു. Cork Area Commuter Rail…
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അയർലണ്ട് സന്ദർശനം രാഷ്ട്രീയമായും നയതന്ത്രപരമായും വലിയ ശ്രദ്ധ നേടുന്നു. രണ്ട് ദിവസത്തെ സന്ദർശനത്തിന്റെ ഭാഗമായി…
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അയർലൻഡ് സന്ദർശനത്തിന് മുന്നോടിയായി ഡബ്ലിനിൽ കർശന സുരക്ഷാ നിയന്ത്രണങ്ങൾ ഏർപ്പെടുത്തും. സെപ്റ്റംബർ 12ന് ട്രംപ്…
Energia ഉപഭോക്താക്കൾക്ക് വീണ്ടും ഊർജബിൽ വർധന. ഒക്ടോബർ 12, 2026 മുതൽ ഗ്യാസ്, വൈദ്യുതി നിരക്കുകൾ ഉയർത്തുമെന്ന് Energia പ്രഖ്യാപിച്ചു.…
ദക്ഷിണേന്ത്യൻ സിനിമകളിലെ പ്രമുഖ നടി അമലാ പോളിനെ കേന്ദ്ര കഥാപാത്രമാക്കി എം പത്മകുമാർ സംവിധാനം ചെയ്യുന്ന പുതിയ ചിത്രത്തിൻ്റെ ചിത്രീകരണം…