ബിജിത്ത് ബാലയുടെ പുതിയ ചിത്രത്തിൻ്റെ പൂജയും ടൈറ്റിൽ ലോഞ്ചും ഫെബ്രുവരി പതിനൊന്ന് വെള്ളിയാഴ്ച്ച കോഴിക്കോട്ട്

പ്രശസ്ത ചിത്രസംയോജകനായ ബിജിത്ത് ബാല സംവിധാനം ചെയ്യുന്ന പുതിയ ചിത്രത്തിൻ്റെ പൂജാ ചടങ്ങും, ടൈറ്റിൽ ലോഞ്ചും, ഫെബ്രുവരി പതിനൊന്ന് വെള്ളിയാഴ്ച്ച രാവിലെ ഒമ്പതു മണിക്ക് കോഴിക്കോട്ടു നടക്കുന്നു. ചിത്രീകരണവും ഒപ്പം തന്നെ ആരംഭിക്കുകയാണ്. കൊളത്തൂർ കൂമുള്ളി കൃഷ്ണവിലാസം എൽ.പി.സ്ക്കൂളാണ് വേദി.

‘നെല്ലിക്ക ‘ എന്ന ചിത്രത്തിനു ശേഷം ബിജിത് ബാല സംവിധാനം ചെയ്യുന്ന ഈ ചിത്രം നിർമ്മിക്കുന്നത് ജോസ് കുട്ടി മoത്തിലും, രഞ്ജിത്ത് മണമ്പ്രക്കാട്ടിലുമാണ്.ശ്രീനാഥ് ഭാസി, ഗ്രേസ് ആൻ്റെണി, ഹരീഷ് കണാരൻ, ബേസിൽ ജോസഫ്, ആൻ ശീതൾ,അലൻസിയർ, നിർമ്മൽ പാലാഴി, വിജിലേഷ്, ദിനേശ് പ്രഭാകർ എന്നിവരാണ് പ്രധാന അഭിനേതാക്കൾ.

വാഴൂർ ജോസ്.