കൊച്ചി നാവികസേനാ ആസ്ഥാനത്ത് സുരക്ഷാ ജീവനക്കാരന്‍ വെടിയേറ്റ് മരിച്ച നിലയില്‍

കൊച്ചി നാവികസേനാ ആസ്ഥാനത്ത് സുരക്ഷാ ജീവനക്കാരന്‍ വെടിയേറ്റ് മരിച്ച നിലയില്‍. ഉത്തർപ്രദേശ് അലിഗഡ് സ്വദേശിയായ തുഷാര്‍ അത്രിയാണ് മരിച്ചത്. ഇദ്ദേഹം വാത്തുരുത്തിയില്‍ സുരക്ഷാ ഡ്യൂട്ടിയിലായിരുന്നു.
നാവിക സേനാ പരിസരത്ത് പട്രോളിംഗിനിറങ്ങിയ ഉദ്യോഗസ്ഥരാണ് ഇന്ന് പുലർച്ചെ 2 മണിയോടെ ഇയാളെ മരിച്ച നിലയിൽ കണ്ടെത്തിയത്.

മൃതദേഹം ഐ.എന്‍.എച്ച്.എസ്. ആശുപത്രിയില്‍ സൂക്ഷിച്ചിരിക്കുകയാണ്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.