‘ ഫൗജി ‘ ഗെയിമിന്റെ ടീസര്‍ അക്ഷയ്കുമാര്‍ പുറത്തുവിട്ടു

മുംബൈ: ലോക പ്രസിദ്ധിയാര്‍ജ്ജിച്ച പബ്ജി ഗെയിം ഇന്ത്യയില്‍ നിരോധിച്ചതിന്റെ പിന്നാലെ ലോകത്തെ പല രാജ്യങ്ങളും പബ്ജി നിരോധിച്ചിരുന്നു. പബ്ജിക്ക് ഏറ്റവും കൂടുതല്‍ സബ്്‌സ്‌ക്രൈബേഴ്‌സ് ഉണ്ടായിരുന്നതും ഏറ്റവും കൂടുതല്‍ പേര്‍ കളിച്ചിരുന്നതും ഇന്ത്യയില്‍ നി്ന്നായിരുന്നു. ചൈനയുടെ ആപ് ഗെയിം ആയ പബ്ജിയെ നരേന്ദ്രമോദി നിരോധിച്ചതോടെ ഇന്ത്യയ്ക്കാര്‍ മറ്റൊരു ഗെയിമിന്റെ നിര്‍മ്മാണത്തിലായിരുന്നു.

പബ്ജിയെ വെല്ലുവിളിക്കുന്ന തരത്തിലുള്ള ഒരു ഗയിമാണ് ഇന്ത്യ ഡെവലപ് ചെയ്യുന്നത്. അതാണ് ഫൗജി. Fau-G യുടെ ടീസര്‍ അക്ഷയ്കുമാര്‍ സിനിമാ ടീസര്‍ പുറത്തു വിടുന്നതുപോലെ തന്റെ ട്വിറ്റര്‍ അക്കൗണ്ടിലൂടെ ലോകത്ത് മുമ്പാകെ അവരതിപ്പിച്ചു. സിനിമയെ വെല്ലുന്ന രീതിയിലുള്ള ട്രൈലര്‍ കണ്ട് യുവജനങ്ങള്‍ ആകെ ഇളകി മറിഞ്ഞിരിക്കുകയാണ്. ഒരുപക്ഷേ, പബ്ജിയെക്കാള്‍ കൂടുതല്‍ മികച്ചതും ഒരുപക്ഷേ ഏറ്റവും കൂടുതല്‍ ഡൗണ്‍ ലോഡും ലഭിക്കാന്‍ പോവുന്നത് ഇന്ത്യന്‍ ആപ്പായ ഫൗജി ആയിരിക്കും എന്നതിന്റെ ഒരു സൂചനകൂടിയാണിത്.

എന്തായലും ടീസര്‍ കണ്ട് യുവജനങ്ങള്‍ മുഴുവന്‍ ഫൗജിയുടെ ആരാധാകരായി മാറുന്നുവോ എന്ന് സംശയം നിലനില്‍ക്കുന്നുണ്ട്. ഏറെ താമസിയാതെ ഗെയിം പ്ലേസ്റ്റോറിലെത്തുമെന്നാണ് അറിവ്. ചിലരുടെ സംശയം പ്രധാന കഥാപാത്രമായി ഗെയിമില്‍ അക്ഷയ്കുമാര്‍ തന്നെയാണോ എന്നുള്ളതാണ്. എന്നാല്‍ ഇതെക്കുറിച്ചൊന്നും താരം മിണ്ടിയിട്ടില്ല. എന്തായാലും ഫൗജി ഒരു തകര്‍പ്പന്‍ ഗെയിം ആവും എന്നതില്‍ ഒരു സംശയവുമില്ല.