റോഡിൽ നിന്ന് കളഞ്ഞ് കിട്ടിയ പണം ഉടമസ്ഥന് തിരികെ നൽകി ഓട്ടോ ഡ്രൈവർ മാതൃകയായി

റോഡിൽ നിന്ന് കിട്ടിയ പണം അതിന്റെ ഉടമയ്ക്ക് തിരികെ നൽകിയ ഓട്ടോറിക്ഷ ഡ്രൈവറെ പ്രശംസിച്ച് പോലീസ്. തൊടുപുഴയിലാണ് സംഭവം നടന്നത്. തൊടുപുഴയിൽ ടൗണിൽ ഓട്ടോറിക്ഷ ഓടിക്കുകയായിരുന്ന ഉണ്ണികൃഷ്ണൻ 500 രൂപയുടെ നോട്ടുകൾ റോഡിൽ വീണു കിടക്കുന്നത് കണ്ടു.

നോട്ടുകളെല്ലാം എടുത്ത് അദ്ദേഹം അടുത്തുള്ള പോലീസ് സ്റ്റേഷനിൽ ഏൽപിക്കുകയായിരുന്നു. പിന്നീട് തന്റെ മേൽവിലാസവും ഫോൺ നമ്പറും അവിടെ നൽകി അദ്ദേഹം തിരിച്ചു വീട്ടിൽ പോയി. പൈസ നഷ്ടപ്പെട്ടയാൾ പോലീസ് സ്റ്റേഷനിൽ പരാതിയുമായി എത്തിയപ്പോൾ പോലീസ് ഉണ്ണികൃഷ്ണനെ വിളിച്ചതിനെത്തുടർന്ന് ഇദ്ദേഹം പോലീസ് സ്റ്റേഷനിൽ എത്തി ആ പൈസ അതിന്റെ ഉടമക്ക് കൈമാറുകയായിരുന്നു .