ന്യൂയോര്ക്ക്: കോവിഡ് ലോകത്തെ മുഴുവന് ഞെട്ടിച്ച് നാശം വിതച്ച് സംഹാര താണ്ഡവം ആടിക്കൊണ്ടിരിക്കുന്ന ഈ സന്ദര്ഭത്തില് മറ്റൊരു മഹാമാരി ലോകത്തെ കീഴടക്കാന് സാധ്യതയെന്ന് ലോകആരോഗ്യ സംഘടന മുന്നറിയിപ്പു നല്കി. ‘ഡിസീസ്-എക്സ്’ എന്ന് പേരിട്ടിരിക്കുന്ന ഈ മഹാമാരി കോവിഡിനേക്കാള് പത്തുമടങ്ങ് ശക്തിയുള്ളതും അതിവ്യാപനശേഷിയുള്ളതുമാണ്. ഇതില് എക്സ് എന്ന് പേരിട്ടത് വളരെ ആകസ്മികമായി സംഭവിച്ചു എന്നതിനാലാണ് എന്ന് സംഘടന വെളിപ്പെടുത്തി.
ഈ അസുഖത്തെ ആദ്യം കണ്ടെത്തിയത് ആഫ്രിക്കയിലാണ്. ആഫ്രിക്കയിലെ കോംഗോ റിപ്പബ്ളിക്കിലെ ഇന്ഗെന്ഡെയിലാണ് ആദ്യ രോഗി റിപ്പോര്ട്ട് ചെയ്്തത്. ആദ്യം ഈ രോഗത്തെക്കുറിച്ച് വ്യക്തമായ ധാരണകള് ഒന്നും തന്നെ ഇല്ലായിരുന്നു. കടുത്ത പനിയും രക്തസ്രാവുമായാണ് അയാള് ആശുപത്രിയിലെത്തിച്ചേര്ന്നത്. ഇപ്പോഴും രോഗി സുഖം പ്രാപിച്ചിട്ടില്ലെന്നു മാത്രമല്ല, വളരെ ദയനീയാവസ്ഥയിലാണ് രോഗി ഇപ്പോള് കഴിയുന്നത്. ഡോക്ടര്മാരും ഗവേഷണകരും ഒരുപോലെ ഈ അസുഖത്തെ മനസ്സിലാക്കാന് ശ്രമിച്ചുകൊണ്ടിരിക്കുകയാണ്.
1976 ല് ആദ്യമായി എബോള കണ്ടുപിടിച്ച പ്രൊഫസര് ജിന് ജാക്വസ് മുയെംബെ തംഫു ഈ പുതിയ അസുഖമായ ഡിസീസ്-എക്സ് അതിവിനാശകാരിയാണെന്ന് മുന്നറിയിപ്പു നല്കി. തനിക്ക് എബോളയെക്കാള് പേടി തോന്നുന്നു ഈ ഡിസീസ്-എക്സ് എന്നാണ് അദ്ദേഹം വെളിപ്പെടുത്തിയത്. ആഫ്രിക്കയിലെ ഉഷ്ണമേഖല മഴക്കാടുകളാണ് ഇത്തരം വൈറസുകളുടെ ഉറവിടമാകാന് സാധ്യതയെന്നും അദ്ദേഹം ചൂണ്ടിക്കാണിക്കുന്നു. എന്നാല് അതിനെപ്പറ്റി വ്യക്തമായ ധാരണകള് ഒന്നും തന്നെ ലഭ്യമായിട്ടില്ല.
വന്യമൃഗങ്ങളില് നിന്നുമാണ് ഈ അസുഖം മനുഷ്യരിലേക്ക് പകര്ന്നത് എന്നാണ് അദ്ദേഹം വെളിപ്പെടുത്തുന്നത്. കൊറോണയേക്കാള് മാരകമായി ഈ അസുഖം പടരാന് സാധ്യതയുണ്ടെന്നും മരണ നിരക്ക് കൊറോണ വൈറസിനേക്കാള് പത്തു മടങ്ങ് വര്ധിക്കുമെന്നും ലോകാരോഗ്യ സംഘടന വെളിപ്പെടുത്തി. ജീവികളുടെ ആവാസവ്യവസ്ഥ തകര്ന്നതും, വന്യജീവി വ്യാപാരങ്ങളും, പ്രകൃതി നശീകരണവുമൊക്കെ ഇതിനുള്ള കാരണമാവാമെന്നും ആരോഗ്യ സംഘടന വെളിപ്പെടുത്തി.
വിവാദപരമായ പുതിയ വാടക നിയമങ്ങൾ മാർച്ച് 1 മുതൽ പ്രാബല്യത്തിൽ വന്നു. ഭവന വിതരണം വർദ്ധിപ്പിക്കേണ്ടത് അത്യാവശ്യമായതിനാലാണ് പുതിയ നിയമം…
കോർക്ക്: അയർലണ്ട് സീറോ മലബാർ സഭയുടെ കാറ്റിക്കിസം ഡിപ്പാർട്ട്മെൻ്റ് സംഘടിപ്പിച്ച ബൈബിൾ ക്വിസിൻ്റെ നാഷണൽ ഗ്രാൻ്റ് ഫിനാലെ - ബിബ്ലിയ…
ഗൾഫ് രാജ്യങ്ങളിൽ സംഘർഷാവസ്ഥ തുടരുന്ന സാഹചര്യത്തിൽ ഡബ്ലിനിൽ നിന്നുള്ള നിരവധി വിമാന സർവീസുകൾ ഞായറാഴ്ച റദ്ദാക്കി. Etihad എയർവേയ്സ്, ഖത്തർ…
ആകാശത്തിനു മപ്പുറത്തു ഏതോ ഒരു ലോകത്തു നിന്നാണ് ഇതു വന്നിട്ടുള്ളത്. അങ്ങനെയാണ് കാർന്നോന്മാര് ഞങ്ങളോട്ട പറഞ്ഞുതന്നിട്ടുള്ളത്.എന്തോ അജ്ഞാതമായശക്തി ഇതിനുണ്ടത്രെ. 'ഇത്…
168 രാജ്യങ്ങളിൽ സജീവ സാന്നിധ്യമായി സാമൂഹിക ഇടപെടലുകൾ നടത്തിവരുന്ന വേൾഡ് മലയാളി ഫെഡറേഷന്റെ അയർലന്റ് കോർഡിനേറ്ററായി . അയർലന്റ് മലയാളികൾക്ക്…
ഇതേത്തുടർന്ന് ഇറാനിൽ 40 ദിവസത്തെ ദുഖാചരണം പ്രഖ്യാപിച്ചു. ഏഴ് ദിവസത്തെ അവധിയും പ്രഖ്യാപിച്ചിട്ടുണ്ട്. ആക്രമണത്തിൽ ഖമനെയിയുടെ മകളും മരുമകനും കൊച്ചുമകനും…