ഒമേഗ ബ്ലോക്ക്; കനത്ത ഉഷ്ണ തരംഗത്തിൽ വലഞ്ഞ് യൂറോപ്യൻ രാജ്യങ്ങൾ

ഫ്രാൻസ്, ഇറ്റലി, ബ്രിട്ടൻ തുടങ്ങിയ യൂറോപ്യൻ രാജ്യങ്ങളിൽ കനത്ത ഉഷ്ണതരംഗം അനുഭവപ്പെടുകയാണ്. 80 വർഷത്തിന് ശേഷമാണ് ഇത്തരത്തിൽ താപനില ഏറ്റവും ഉയർന്നിരിക്കുന്നത്. 48 പേർ ഇതുവരെ മുങ്ങി മരിച്ചതായാണ് റിപ്പോർട്ട്. 

രണ്ട് കുറഞ്ഞ മർദ്ദമേഖലയുടെ ഇടയിൽ ഉയർന്ന മർദ്ദമേഖല രൂപപ്പെടുന്ന ‘ഒമേഗ ബ്ലോക്ക്’ പ്രതിഭാസമാണ് ഈ കഠിനമായ ചൂടിന് പിന്നിൽ എന്നാണ് വിദഗ്ധരുടെ വിലയിരുത്തൽ. ഉയർന്ന മർദ്ദ മേഖല കാരണം ഭൂമിയിൽ നിന്നുയരുന്ന ചൂട് അന്തരീക്ഷത്തിലേക്ക് കടക്കില്ല, ഉപരിതലത്തിൽ തന്നെ തങ്ങിനിൽക്കും. ഗ്രീക്ക് അക്ഷരമായ ഒമേഗയുടെ രൂപത്തിലായതുകൊണ്ടാണ് ഈ പേര്. സാധാരണയായി പടിഞ്ഞാറുനിന്ന് കിഴക്കോട്ട് വീശുന്ന കാറ്റും ഇത് തടസ്സപ്പെടുത്തും. 

നിലവിൽ ഇറ്റലിയിൽ 16 നഗരങ്ങളിൽ താപനില മുന്നറിയിപ്പ് ഏർപ്പെടുത്തിയിട്ടുണ്ട്. ചൂടു കൂടിയതോടെ എയർകണ്ടീഷണിംഗ് ആഡംബരമായി കണ്ടിരുന്ന യൂറോപ്പുകാർക്ക് അതൊരു ആവശ്യമായി മാറുന്നതും ഉയർന്ന വൈദ്യുതി നിരക്ക് വെല്ലുവിളിയായി മാറുന്നതും ലോകം ചർച്ച ചെയ്യുകയാണ്.

ആഗോളതാപനം തന്നെയാണ് പ്രധാന വെല്ലുവിളി. യൂറോപ്പിൽ ആൽബിഡോ പ്രഭാവവും (Albedo effec) കണ്ടുതുടങ്ങിയിരുന്നു. സൂര്യപ്രകാശം തിരികെ പ്രതിഫലിക്കുന്ന പ്രതിഭാസം. ധ്രുവപ്രദേശങ്ങളിലെ മഞ്ഞുരുകുന്നതും യൂറോപ്പിൽ ചൂടുകൂടാൻ കാരണമാണ്.

Follow Us on Instagram!

GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join 

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb