ആരോഗ്യ പ്രവർത്തകരുടെ മക്കൾക്ക് സൗജന്യ വിദ്യാഭ്യാസം വാഗ്ദാനം ചെയ്ത് യു എ ഇ

ദുബായ്: കൊറോണ പ്രതിരോധ പ്രവർത്തനത്തിൽ മുന്നിൽ നിൽക്കുന്ന ആരോഗ്യ പ്രവർത്തകരുടെ മക്കൾക്ക് സൗജന്യ വിദ്യാഭ്യാസം വാഗ്ദാനം ചെയ്ത് UAE രംഗത്ത്. ഈ ആനുകൂല്യം 700 കുട്ടികൾക്കാണ് ലഭിക്കുന്നത്.

ഈ കുട്ടികൾക്ക് യുഎഇയിലെ സർക്കാർ സ്കൂളുകളിൽ പന്ത്രണ്ടാം ക്ലാസ് പൂർത്തിയാക്കുംവരെ സൗജന്യ വിദ്യാഭ്യാസം നൽകുമെന്ന് വിദ്യാഭ്യാസ മന്ത്രാലയം അറിയിച്ചു.  രാജ്യത്തെ കൊറോണ (Covid19) പ്രതിരോധത്തിനായി  എല്ലാം മറന്ന് നിലകൊള്ളുന്ന  ആരോഗ്യ പ്രവർത്തകർക്ക് അഭിവാദ്യം അർപ്പിച്ചു കൊണ്ടാണ് യുഎഇ ഈ നടപടി എടുത്തിരിക്കുന്നത്.