കൊളസ്ട്രോള് ഇന്നത്തെ കാലത്ത് പലരേയും അലട്ടുന്ന ഒരു പ്രശ്നമാണ്. പണ്ട് ചെറുപ്പക്കാര്ക്കിടയില് കാണാത്ത ഈ രോഗം ഇപ്പോഴത്തെ ചെറുപ്പക്കാര്ക്കിടയില് പോലും സ്ഥിരം കണ്ടു വരുന്ന പ്രശ്നമാണ്. നമുക്ക് കൊളസ്ട്രോളിന് പരിഹാരം കാണാന് വീട്ടില് തന്നെ ചെയ്യാവുന്ന ചില കാര്യങ്ങളുണ്ട്. ഒപ്പം കൃത്യമായ വ്യായാമവും ഭക്ഷണ നിയന്ത്രണവും. വീട്ടില് തന്നെ ചെയ്യാവുന്ന ചില വീട്ടുവൈദ്യങ്ങളെക്കുറിച്ചറിയൂ.
ഇതില് പ്രധാനപ്പെട്ട ഒന്നാണ് മല്ലിയില കൊണ്ടുണ്ടാക്കുന്ന സ്പെഷല് ജ്യൂസ് അല്ലെങ്കില് വെള്ളം. ഇതില് മല്ലിയിലക്കൊപ്പം ഇഞ്ചി, വെളുത്തുള്ളി, ബ്ലാക് സാള്ട്ട് എന്നിവയെല്ലാം ചേര്ക്കാം.മല്ലിയിലയില് തിയാമൈന്, വിറ്റാമിന് സി, റിബോഫ്ലാവിന്, ഫോസ്ഫറസ്, കാല്സ്യം, ഇരുമ്പ്, നിയാസിന്, സോഡിയം കരോട്ടിന്, ഓക്സാലിക് ആസിഡ്, പൊട്ടാസ്യം, തുടങ്ങി ധാരാളം മിനറലുകളും വിറ്റാമിനുകളും അടങ്ങിയിരിക്കുന്നു. മല്ലിയിലയില് ഒലേയിക് ആസിഡ്, ലിനോലിക് ആസിഡ്, സ്റ്റെയാറിക് ആസിഡ്, പാമിറ്റിക് ആസിഡ്, അസ്കോര്ബിക് ആസിഡ് തുടങ്ങിയവ അടങ്ങിയിരിക്കുന്നു. ഇവ രക്തത്തിലെ കൊളസ്ട്രോളിന്റെ അളവ് കുറയ്ക്കാന് സഹായിക്കുന്നവയാണ്. കൂടാതെ ഇവ ധമനികളിലും, ഞരമ്പിലും അടിയുന്ന കൊളസ്ട്രോള് നീക്കി ഹൃദയാഘാതത്തിനുള്ള സാധ്യത കുറയ്ക്കുന്നു.
കൊളസ്ട്രോൾ കുറയ്ക്കാൻ ഇഞ്ചി സുപ്രധാന പങ്ക് വഹിക്കുന്നുണ്ട്. ഇഞ്ചിയിലെ ജിഞ്ചറോള് എന്ന ഘടകമാണ് ഇതിനായി സഹായിക്കുന്നത്. വൃത്തിയാക്കിയ ഇഞ്ചി വെറുതെ ചവച്ച് കഴിക്കുന്നതും ചായ തിളപ്പിക്കുമ്പോൾ ഇഞ്ചി ചതച്ചിട്ട് ഉപയോഗിക്കുന്നതും കൊളസ്ട്രോൾ കുറയ്ക്കാൻ വളരെ ഫലപ്രദമായ മാർഗ്ഗമാണ്. വെറും വയറ്റിൽ ഇഞ്ചിവെള്ളം കുടിക്കുന്നതും കൊളസ്ട്രോൾ അകറ്റാൻ സഹായിക്കും. കൂടാതെ ഉദരസംബന്ധമായ മറ്റ് പ്രശ്നങ്ങൾക്കും ഉത്തമ പരിഹാരമാണ് ഇഞ്ചി.
ഭക്ഷണത്തിൽ വെളുത്തുള്ളി ധാരാളമായി ഉൾപ്പെടുത്തുന്നത് കൊളസ്ട്രോൾ കുറയ്ക്കാൻ വളരെയധികം സഹായിക്കും. വെളുത്തുള്ളിയിൽ ഉള്ള ‘അലിസിന്’ എന്ന പദാര്ത്ഥമാണ് കൊളസ്ട്രോളിന്റെ അളവ് കുറയ്ക്കാന് സഹായിക്കുന്നത്. മാത്രമല്ല, അമിത രക്തസമ്മർദ്ദം തടയാനും ഹൃദയാരോഗ്യം മെച്ചപ്പെടുത്താനും വെളുത്തുള്ളിക്ക് കഴിയും. രക്തം കട്ട പിടിക്കുന്നത് ഒഴിവാക്കാനും വെളുത്തുള്ളി മതി. കൂടാതെ അണുബാധയിൽ നിന്ന് സംരക്ഷണമേകാനും വെളുത്തുള്ളിക്ക് കഴിയും.
ഇതിനായി ഒരു പിടി മല്ലിയില നല്ലതു പോലെ കഴുകി വൃത്തിയാക്കി എടുക്കുക. ഇതില് ഒരു കഷ്ണം ഇഞ്ചി, വെളുത്തുള്ളി എന്നിവയും ചേര്ക്കുക. വെളുത്തുള്ളി അല്പനേരം ചതച്ച് വച്ച ശേഷം ഉപയോഗിച്ചാല് ഗുണം വര്ദ്ധിയ്ക്കും. ഇതെല്ലാം ചേര്ത്തിളക്കി ജ്യൂസാക്കുക. ഇതില് ആവശ്യത്തിന് വെള്ളം ചേര്ക്കാം. ഇതില് ലേശം ബ്ലാക് സാള്ട്ട് കൂടി ചേര്ക്കുക. ഇതും ആരോഗ്യപരമായ ഗുണം നല്കുന്ന ഒന്നാണ്. ഇതെല്ലാം ചേര്ത്തിളക്കി രാവിലെ പ്രാതലിനൊപ്പം കുടിയ്ക്കാം. ഇത് കൊളസ്ട്രോള് കുറയ്ക്കാന്, പ്രമേഹത്തിന്, രക്തപ്രവാഹം വര്ദ്ധിപ്പിയ്ക്കാന്, ടോക്സിനുകള് നീക്കാന് എല്ലാം ഏറെ നല്ലതാണ്.
ആദ്യമായി വീട് വാങ്ങുന്നവരാണ് വിപണിയുടെ പ്രധാന ശക്തി; വീടുകളുടെ വില ഇനിയും ഉയരുമെന്ന് ക്യാപ്റ്റൻ റെനി ജോസഫ് QFA അയർലണ്ടിലെ…
വിനീത് ശ്രീനിവാസനെ കേന്ദ്രകഥാപാത്രമാക്കി നവാഗതനായ അഭിജിത്ത് സര്യ സംവിധാനം ചെയ്യുന്ന ചടങ്ങ് എന്ന ചിത്രത്തിൻ്റെ ചിത്രീകരണത്തിന് ആഗസ്റ്റ് മുപ്പത് ഞായറാഴ്ച്ച…
അയർലണ്ടിൽ ബസ് ഡ്രൈവർമാരുടെ ഒഴിവുകളിലേക്ക് റിക്രൂട്ട്മെന്റ് നടത്താൻ വിസ്റ്റ കരിയർ സൊല്യൂഷൻസ്. യൂറോപ്യൻ യൂണിയൻ/അയർലണ്ട് ഡ്രൈവിംഗ് ലൈസൻസുള്ള പരിചയസമ്പന്നരായ ഡ്രൈവർമാർക്കാണ്…
കാഠ്മണ്ഡു: വൻ പ്രളയക്കെടുതിയിൽ വിറങ്ങലിച്ച് നേപ്പാൾ. കനത്ത മഴയും മൂടൽമഞ്ഞും കാരണം ശനിയാഴ്ച തിരച്ചിലും രക്ഷാപ്രവർത്തനങ്ങളും താൽക്കാലികമായി നിർത്തിവെച്ചതായി അധികൃതർ…
മലയാളികളുടെ ദേശീയോത്സവമായ ഓണം സിനിമാ സെറ്റുകളിലും പലപ്പോഴും ആഘോഷമാകാറുണ്ട്. ഈ അടുത്ത കാലത്ത് ഓണക്കാലത്തു ചിത്രീകരണം നടന്നു വരുന്ന മിക്ക…
വാട്ടർഫോർഡ്: വാട്ടർഫോർഡ് മലയാളി അസോസിയേഷന്റെ 19-ാമത് ഓണാഘോഷം 'ശ്രാവണം-26' നാളെ (ആഗസ്റ്റ് 30 ഞായറാഴ്ച) മൂൺകോയിൻ പാരിഷ് ഹാളിൽ (Mooncoin…