ഡബ്ലിനിൽ പ്രൈമറി സ്കൂളിൽ വിദ്യാർത്ഥിക്ക് കുത്തേറ്റു

വടക്കൻ ഡബ്ലിനിലെ ഒരു പ്രൈമറി സ്കൂളിൽ 11 വയസ്സുള്ള ഒരു ആൺകുട്ടിയെ മറ്റൊരു കുട്ടി കുത്തിപരിക്കേൽപ്പിച്ചു. സംഭവത്തിൽ അന്വേഷണം പുരോഗമിക്കുന്നു. രണ്ട് കുട്ടികളും സ്കൂളിലെ വിദ്യാർത്ഥികളാണെന്ന് ഗാർഡ പറഞ്ഞു. പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു. കുട്ടി തീവ്രപരിചരണ വിഭാഗത്തിൽ ചികിത്സയിലാണ്. നില ഗുരുതരമാണെങ്കിലും പരിക്കുകൾ ജീവന് ഭീഷണിയല്ലെന്ന് ആശുപത്രി അധികൃതർ അറിയിച്ചു. രണ്ട് കുട്ടികളുടെയും മാതാപിതാക്കളുമായി ഗാർഡ ബന്ധപ്പെട്ടിട്ടുണ്ട്.

സംഭവത്തിന്റെ കൂടുതൽ വിവരങ്ങൾ അറിയാൻ സ്കൂൾ മാനേജ്മെന്റുമായും ജീവനക്കാരുമായും ഗാർഡ അന്വേഷണം നടത്തുകയാണ്. ആക്രമണത്തിൽ ഉൾപ്പെട്ടിരിക്കുന്ന കുട്ടികളുടെ പ്രായം കണക്കിലെടുത്ത് ഇതൊരു ക്രിമിനൽ കേസ് അല്ല എന്ന് ഗാർഡ അറിയിച്ചു. ക്രിമിനൽ നടപടികൾക്കുള്ള ഏറ്റവും കുറഞ്ഞ പ്രായം 12 വയസ്സാണ്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb