1976ലെ റെക്കോർഡ് മറികടക്കുമോ? കോർക്കിൽ ഹീറ്റ്‌വേവ് ശക്തം

അയർലണ്ടിൽ വെള്ളിയാഴ്ചയും ചൂടേറിയതും തെളിഞ്ഞതുമായ കാലാവസ്ഥ തുടരും. രാജ്യത്തിന്റെ തെക്ക്, കിഴക്ക്, തെക്കുകിഴക്കൻ മേഖലകളിലാണ് ഏറ്റവും ഉയർന്ന താപനില അനുഭവപ്പെടുക. കോർക്കിൽ ഇന്ന് പരമാവധി 28°C വരെ ഉയരുമെന്നാണ് പ്രവചനം. കോർക്കിലെ മൂർ പാർക്ക് തുടർച്ചയായി 12 ദിവസമായി ഹീറ്റ്‌വേവ് അനുഭവപ്പെടുകയാണ്. 1976-ൽ ബിർർ കാസിലിൽ രേഖപ്പെടുത്തിയ 14 ദിവസത്തെ തുടർച്ചയായ ഹീറ്റ്‌വേവ് എന്ന സർവകാല റെക്കോർഡിനോട് ഇനി വെറും രണ്ട് ദിവസം മാത്രമാണ് വ്യത്യാസം.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

അതേസമയം, Met Éireann കോർക്ക്, ലിമറിക്ക്, ടിപ്പററി, വാട്ടർഫോർഡ്, കാർലോ, കില്കെന്നി, ലാവോയിസ്, ഓഫാലി, വെക്സ്ഫോർഡ് എന്നീ കൗണ്ടികൾക്കായി യെല്ലോ ഹൈ ടെംപറേച്ചർ മുന്നറിയിപ്പ് പുറപ്പെടുവിച്ചിട്ടുണ്ട്. ഇന്ന് ഉച്ചയ്ക്ക് 12 മുതൽ രാത്രി 8 വരെ മുന്നറിയിപ്പ് പ്രാബല്യത്തിലായിരിക്കും. ഈ പ്രദേശങ്ങളിൽ പരമാവധി 27°C വരെ താപനില ഉയരാനാണ് സാധ്യത.

വെള്ളിയാഴ്ചയോടെ അതിതീവ്ര ചൂടിന് അൽപം ശമനമുണ്ടാകുമെങ്കിലും, വാരാന്ത്യത്തിലും ചൂടും വരണ്ട കാലാവസ്ഥയും തുടരുമെന്ന് കാലാവസ്ഥാ നിരീക്ഷകർ അറിയിച്ചു. ശനിയാഴ്ച മുതൽ രാജ്യത്ത് കിഴക്ക്-പടിഞ്ഞാറ് കാലാവസ്ഥാ വ്യത്യാസം പ്രകടമാകും. വടക്കൻ കാറ്റ് വീശുന്നതിനാൽ ഡൊണിഗാളിൽ താപനില 16°C വരെ താഴുമ്പോൾ, ലിൻസ്റ്ററും മൺസ്റ്ററും ഉൾപ്പെടെയുള്ള തെക്കും കിഴക്കും മേഖലകളിൽ 21 മുതൽ 25°C വരെ ചൂട് അനുഭവപ്പെടും.

ഞായറാഴ്ചയും വരണ്ട കാലാവസ്ഥയും തെളിഞ്ഞ അന്തരീക്ഷവും തുടരും. അടുത്ത തിങ്കൾ മുതൽ വ്യാഴം വരെ മഴയ്ക്ക് സാധ്യതയില്ലെന്നും താപനില വാരാന്ത്യത്തിലേതിന് സമാനമായി തുടരുമെന്നും Met Éireann അറിയിച്ചു. അടുത്ത 10 ദിവസത്തേക്കും മഴയ്ക്ക് സാധ്യതയില്ല. ഇതോടെ അയർലണ്ടിന്റെ തെക്കൻ ഭാഗങ്ങളിലെ പല പ്രദേശങ്ങളും ഔദ്യോഗികമായി വരൾച്ച (Drought) നേരിടുന്ന അവസ്ഥയിലേക്കാണ് കടന്നിരിക്കുന്നത്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==