ഡബ്ലിനിൽ കുടിയേറ്റ വിരുദ്ധ പ്രകടനം; മാർച്ചിൽ പങ്കെടുത്ത് ഇരുന്നൂറിലധികം പ്രതിഷേധക്കാർ

കുടിയേറ്റക്കാരെ അയർലണ്ടിൽ നിന്നും പുറത്താക്കുക എന്ന ആവശ്യമായ വിരുദ്ധ പ്രതിഷേധക്കാർ ഡബ്ലിനിൽ മാർച്ച് നടത്തി. തിങ്കളാഴ്ച ഉച്ചതിരിഞ്ഞ് ഗാർഡൻ ഓഫ് റിമെംബറൻസിൽ നിന്നും ആരംഭിച്ച പ്രതിഷേധ മാർച്ച് O’Connell Street ലൂടെ കടന്നു പോയി. അക്രമ സാധ്യത കണക്കിലെടുത്ത് നിരവധി ഗാർഡകൾ സുരക്ഷ ഒരുക്കിയിരുന്നു.

പ്രതിഷേധക്കാർ ഐറിഷ് പതാകകളും, പ്ലക്കാർഡുകൾ ഉയർത്തുകയും, കുടിയേറ്റ വിരുദ്ധ മുദ്രാവാക്യങ്ങൾ മുഴക്കുകയും ചെയ്തു. 200 ൾ അധികം ആളുകൾ GPO ന് പുറത്ത് പ്രതിഷേധ പ്രകടനത്തിൽ പങ്കെടുത്തു. Customs House Quay -ൽ അവസാനിച്ച മാർച്ചിനൊടുവിൽ അണികൾ പ്രതിഷേധ സമ്മേളനം ചേർന്നു.

അയർലണ്ടിലേക്ക് എത്തുന്ന കുടിയേറ്റക്കാരുടെ എണ്ണത്തിൽ ഗണ്യമായ വർധനവാണ് ഇപ്പോൾ ഉണ്ടായിരിക്കുന്നത്. അന്താരാഷ്ട്ര സംരക്ഷണ അപേക്ഷകരായ അഭയാർഥികൾക്ക് താമസ സൗകര്യം നൽകുന്നതിനെതിരെ അയർലണ്ടിൽ വിവിധ ഭാഗങ്ങളിൽ പ്രതിഷേധവും ആക്രമണവും റിപ്പോർട്ട് ചെയ്തിരുന്നു. ഇത്തരത്തിലുള്ള പ്രാദേശിക പ്രതിഷേധ ഗ്രൂപ്പുകളും ഇന്നലത്തെ മാർച്ചിൽ പങ്കെടുത്തിരുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb