IBM അയർലണ്ടിലുടനീളം എണ്ണൂറോളം AI തൊഴിലവസരങ്ങൾ പ്രഖ്യാപിച്ചു

ടെക്‌നോളജി ഭീമനായ ഐബിഎം അയർലണ്ടിലുടനീളം 800 ഹൈടെക് തൊഴിലവസരങ്ങൾ സൃഷ്ടിക്കുന്ന പുതിയ നിക്ഷേപം പ്രഖ്യാപിച്ചു. അഡ്വാൻസ് സെക്യൂരിറ്റി, ഓട്ടോമേഷൻ, ഹൈബ്രിഡ് ക്ലൗഡ് എന്നിവ മെച്ചപ്പെടുത്തുന്നതിന് ആർട്ടിഫിഷ്യൽ ഇൻ്റലിജൻസ് സാങ്കേതികവിദ്യകളുടെ സഹായത്താൽ നൂതന സോഫ്റ്റ്‌വെയർ നിർമ്മിക്കുമെന്ന് കമ്പനി പറഞ്ഞു. AI സാങ്കേതികവിദ്യയിൽ ഫൗണ്ടഷണൽ- ലാർജ് ലാംഗ്വേജ് മോഡലുകൾ ഉൾപ്പെടും, അവ ജനറേറ്റീവ് AI-ക്ക് പ്രധാനമാണ്.

നിക്ഷേപം വഴി ഗവേഷണത്തിലും വികസനത്തിലും ഡിജിറ്റൽ വിൽപ്പനയിലും കൺസൾട്ടിംഗിലും നൂറുകണക്കിന് തൊഴിലവസരങ്ങൾ സൃഷ്ടിക്കും. ഡബ്ലിൻ, കോർക്ക് എന്നിവിടങ്ങളിലെ ഐബിഎം സൈറ്റുകളിലും വാട്ടർഫോർഡിലുള്ള ഐബിഎമ്മിൻ്റെ അനുബന്ധ സ്ഥാപനമായ റെഡ് ഹാറ്റിലും പുതിയ തൊഴിലവസരം നൽകും. IBM 65 വർഷത്തിലേറെയായി അയർലണ്ടിൽ പ്രവർത്തിക്കുന്നുണ്ട്. ഐബിഎം റിസർച്ചിൻ്റെ യൂറോപ്യൻ യൂണിയനിലെ ഏക ആതിഥേയരും അയർലണ്ട് ആണ്. മൂന്ന് വർഷത്തെ നിക്ഷേപത്തിന് ഐഡിഎ അയർലൻഡ് വഴി അയർലൻഡ് സർക്കാർ പിന്തുണ നൽകുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb