2.78 ഏക്കറിൽ അയർലണ്ടിലെ ആദ്യ ഹിന്ദു ക്ഷേത്രം; അനുമതി നൽകി ഫിംഗൽ കൗണ്ടി കൗൺസിൽ

അയർലണ്ടിലെ ആദ്യത്തെ ഹിന്ദു ക്ഷേത്രം പണിയുന്നതിനായി ടൈറൽസ്റ്റൗൺ ഡബ്ലിൻ 15-ൽ (സോൺഡ് കമ്മ്യൂണിറ്റി ഇൻഫ്രാസ്ട്രക്ചർ) 2.78 ഏക്കർ സ്ഥലത്തിനുള്ള അനുമതി ഫിംഗൽ കൗണ്ടി കൗൺസിൽ പാസാക്കി.റിപ്പബ്ലിക് ഓഫ് അയർലണ്ടിൽ താമസിക്കുന്ന ഹൈന്ദവ വിശ്വാസികൾക്കായി ആരാധനാലയം നിർമ്മിക്കാനുള്ള അപൂർവ ചാരിറ്റിയുടെ ഊർജ്ജസ്വലമായ ശ്രമങ്ങൾ ഈ ലക്ഷ്യത്തിലേക്ക് അടുക്കുകയാണ്.. അപൂർവയ്ക്ക് അനുകൂലമായി 28 കൗൺസിലർമാർ വോട്ട് ചെയ്തുകൊണ്ട് ഭൂമിയുടെ വിനിയോഗം സംബന്ധിച്ച ഫിംഗൽ പ്രമേയം പാസാക്കി. ഈ ചരിത്ര നിമിഷത്തിൽ എല്ലാ ഫിംഗൽ കൗൺസിലർമാരെയും പ്രാദേശിക ടിഡിമാരെയും നന്ദി അറിയിക്കുന്നതായി അപൂർവ ചാരിറ്റി ഭാരവാഹികൾ അറിയിച്ചു.

ക്ഷേത്രം പണിയുന്നതിനുള്ള സ്ഥലം ഏറ്റെടുക്കുന്നതിനായി അപൂർവ ചാരിറ്റി ടീം ഒരു ദശാബ്ദത്തിലേറെയായി കൗൺസിലുകളുമായും കൗൺസിലർമാരുമായും എണ്ണമറ്റ മീറ്റിംഗുകൾ നടത്തി അക്ഷീണം പ്രയത്നിച്ചു. പാരമ്പര്യങ്ങൾ, ആചാരങ്ങൾ, ഉത്സവങ്ങൾ, തലമുറകൾക്കുള്ള ഒത്തുചേരലുകൾ എന്നിവ ആഘോഷിക്കുന്നതിനായി ഒരു ഹിന്ദു ക്ഷേത്രവും കമ്മ്യൂണിറ്റി ഹാളും നിർമ്മിക്കുന്നതിന് ഭൂമി ഏറ്റെടുക്കുകയാണ് പദ്ധതിയിലൂടെ.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb