Ireland

അയർലണ്ടിൽ വൈദ്യുതി നിരക്ക് വീണ്ടും ഉയരും; സെപ്റ്റംബറിൽ Pinergy 7.6% വർധന പ്രഖ്യാപിച്ചു

അയർലണ്ടിലെ ഉപഭോക്താക്കൾക്ക് വൈദ്യുതി നിരക്കിൽ വീണ്ടും വർധന. സെപ്റ്റംബർ 14 മുതൽ വൈദ്യുതി നിരക്ക് 7.6% ഉയർത്തുമെന്ന് Pinergy പ്രഖ്യാപിച്ചു. ശരാശരി വൈദ്യുതി ഉപയോഗിക്കുന്ന ഒരു കുടുംബത്തിന് വർഷത്തിൽ ഏകദേശം €169 അധിക ചെലവ് വരും. VAT ഉൾപ്പെടെയുള്ള Estimated Annual Bill (EAB) അടിസ്ഥാനമാക്കിയുള്ള കണക്കാണിത്. ഏകദേശം 28,000 വൈദ്യുതി ഉപഭോക്താക്കളുള്ള Pinergy, ഈ വർഷത്തെ ശരത്കാലത്തേക്ക് നിരക്ക് വർധന പ്രഖ്യാപിക്കുന്ന ആദ്യ വൈദ്യുതി വിതരണക്കാരാണ്. എന്നാൽ Standing Charge-ൽ മാറ്റമുണ്ടാകില്ലെന്ന് കമ്പനി അറിയിച്ചു.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

Wholesale energy market-ലുണ്ടാകുന്ന തുടർച്ചയായ അസ്ഥിരതയാണ് നിരക്ക് വർധനയ്ക്ക് കാരണമെന്ന് Pinergy വ്യക്തമാക്കി. കമ്പനിയുടെ CEO എൻഡ ഗണ്ണൽ, വിപണിയിലെ വിലക്കയറ്റത്തിന്റെ വ്യാപ്തിയും ദൈർഘ്യവും കണക്കിലെടുക്കുമ്പോൾ അധിക ചെലവ് ഇനി കമ്പനിക്ക് മാത്രം വഹിക്കാനാകാത്ത സാഹചര്യമാണെന്ന് പറഞ്ഞു. ഈ വർഷം നേരത്തെ PrePay Power, Electric Ireland, Yuno Energy, Flogas എന്നീ കമ്പനികളും വൈദ്യുതി നിരക്കുകൾ വർധിപ്പിച്ചിരുന്നു.

bonkers.ie-യുടെ Head of Communications ഡാരാഗ് കാസിഡി, കൂടുതൽ വൈദ്യുതി വിതരണക്കാർ ശരത്കാലത്തോടെ നിരക്ക് വർധിപ്പിക്കാൻ സാധ്യതയുണ്ടെന്ന് മുന്നറിയിപ്പ് നൽകി. 2025നെ അപേക്ഷിച്ച് ഈ വർഷം ഇതുവരെ wholesale energy costs ഏകദേശം 20% ഉയർന്നതായും അദ്ദേഹം പറഞ്ഞു. വൈദ്യുതി ഗ്രിഡിന്റെ പരിപാലനച്ചെലവുകളും വർധിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.

കഴിഞ്ഞ ഒക്ടോബറിലും Pinergy unit rate ഏകദേശം 13% വർധിപ്പിച്ചിരുന്നു. ഇതോടെ ഉപഭോക്താക്കളുടെ വാർഷിക വൈദ്യുതി ബില്ലിൽ ഏകദേശം €200 അധികമായി. പുതിയ വർധന കൂടി വരുന്നതോടെ കഴിഞ്ഞ വർഷത്തെ അപേക്ഷിച്ച് Pinergy ഉപഭോക്താക്കൾക്ക് വൈദ്യുതിക്കായി ഏകദേശം €370 വരെ അധികം ചെലവാകുന്ന സാഹചര്യമാണുള്ളത്.

വൈദ്യുതി ബില്ലിലെ വർധന ബുദ്ധിമുട്ടാകുന്ന കുടുംബങ്ങൾ കുറഞ്ഞ നിരക്കുള്ള വിതരണക്കാരിലേക്ക് മാറാനുള്ള സാധ്യത പരിശോധിക്കണമെന്നും, വീട്ടിലെ വൈദ്യുതി ഉപയോഗം കുറയ്ക്കാനുള്ള മാർഗങ്ങൾ സ്വീകരിക്കണമെന്നും Cassidy നിർദേശിച്ചു. Smart tariff ഉപയോഗിക്കുന്നവർ നിരക്ക് കുറഞ്ഞ സമയങ്ങളിലേക്ക് വൈദ്യുതി ഉപയോഗം മാറ്റുന്നതും ബിൽ കുറയ്ക്കാൻ സഹായിക്കുമെന്ന് അദ്ദേഹം പറഞ്ഞു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==

Newsdesk

Recent Posts

കള്ളപ്പണം, തട്ടിപ്പ്, സാമ്പത്തിക കുറ്റകൃത്യങ്ങൾ; തടയാൻ അയർലണ്ടിന്റെ പുതിയ നീക്കം! കമ്പനികളുടെ ഉടമസ്ഥ വിവരങ്ങളിൽ കൂടുതൽ പരിശോധന

അയർലണ്ടിലെ സാമ്പത്തിക ഇടപാടുകളിൽ കൂടുതൽ സുതാര്യത ഉറപ്പാക്കുന്നതിനും കള്ളപ്പണം വെളുപ്പിക്കൽ, ഭീകരവാദ പ്രവർത്തനങ്ങൾക്കുള്ള സാമ്പത്തിക സഹായം എന്നിവ തടയുന്നതിനുമായി പുതിയ…

2 hours ago

വ്യാപാരി പ്രമുഖൻ ടി.എസ്.പട്ടാഭിരാമൻ 75-ന്റെ നിറവിൽ: വിജയഗാഥയും ജീവകാരുണ്യവും

തൃശൂരിന്റെ വ്യവസായ ചരിത്രത്തിൽ സമാനതകളില്ലാത്ത വ്യക്തിത്വമാണ് കല്യാൺ സിൽക്സിന്റെ സാരഥിയായ ടി.എസ്. പട്ടാഭിരാമൻ. ചെറിയൊരു തുണിക്കടയിൽ നിന്ന് ആരംഭിച്ച്, ദക്ഷിണേന്ത്യയിലെയും…

14 hours ago

പ്രശസ്ത ക്രിസ്ത്യൻ സംഗീതജ്ഞനും പാസ്റ്ററുമായ സ്റ്റീവ് ക്യാമ്പ് അന്തരിച്ചു

ഫ്ലോറിഡ :പ്രശസ്ത ക്രിസ്ത്യൻ സംഗീതജ്ഞനും പാസ്റ്ററുമായ സ്റ്റീവ് ക്യാമ്പ് (71) ഹൃദയസ്തംഭനത്തെ തുടർന്ന് അന്തരിച്ചു. കുടുംബാംഗങ്ങളാണ് ഈ വിയോഗവാർത്ത പുറത്തുവിട്ടത്.നവംബർ…

16 hours ago

‘അറുപത്താറിൽ ആറാം പ്രാക്ക്….കള്ളപ്രാക്ക്.. കന്നിപ്രാക്ക് ‘;’മായൻ’ ആദ്യ ലിറിക്കൽ വീഡിയോ എത്തി

അറുപത്താറിൽ ആറാം പ്രാക്ക് ...കള്ള പ്രാക്ക്, കന്നിപ്രാക്ക്...എന്നു തുടങ്ങുന്ന ഗാനത്തോടെ മായൻ ചാപ്റ്റർ 1 എന്ന ചിത്രത്തിന്റെ ലിറിക്കൽ വീഡിയോ…

18 hours ago

ഒറ്റയ്ക്കാക്കി പോകുന്ന മാതാപിതാക്കൾക്ക് ഒരു ഓർമ്മപ്പെടുത്തൽ; ഹൃദയസ്പർശിയായ സന്ദേശവുമായി ‘IRISH DREAM’

കുടുംബബന്ധങ്ങളുടെ മൂല്യവും കുട്ടികളുടെ സുരക്ഷയും മാതാപിതാക്കളുടെ ഉത്തരവാദിത്വവും ഓർമ്മിപ്പിക്കുന്ന ശക്തമായ സാമൂഹിക സന്ദേശവുമായി പുതിയ മലയാളം ഷോർട്ട് ഫിലിം ‘IRISH…

1 day ago

ന്യൂയോർക്കിൽ സ്വർണ്ണക്കട്ടി തട്ടിപ്പ്: 67-കാരന് നഷ്ടമായത് 9 ദശലക്ഷം ഡോളർ; പ്രതിക്കായി പോലീസ് തിരച്ചിൽ ഊർജിതമാക്കി

ന്യൂയോർക്ക്: ന്യൂയോർക്കിൽ 67-കാരനായ വയോധികനിൽ നിന്ന് 9 ദശലക്ഷം ഡോളർ (ഏകദേശം 75 കോടിയിലധികം രൂപ) വിലമതിക്കുന്ന സ്വർണ്ണക്കട്ടികൾ തട്ടിയെടുത്ത…

1 day ago