മലയാളത്തിൽ ഇറങ്ങിയ പുസ്തകങ്ങളിൽ കഴിഞ്ഞ വർഷത്തെ ബെസ്റ്റ് സെല്ലർ ആയിരുന്നു “അറ്റുപോകാത്ത ഓർമ്മകൾ’ . ഒരു ഓർമ്മക്കുറിപ്പ് ഇത്രയധികം ആളുകൾ വായിക്കണമെങ്കിൽ അതിനു പിന്നിൽ ഉണ്ടായ സംഭവം കേരളത്തെ അത്രയധികം ആഴത്തിൽ സ്പർശിച്ചിട്ടുണ്ടാവണം.
മനുഷ്യ മനസാക്ഷിയെ ഞെട്ടിച്ച സംഭവമായിരുന്നു ജോസഫ് മാഷിൻറെ കൈവെട്ട്.
അദ്ദേഹം തയ്യാറാക്കിയ ഒരു ചോദ്യപേപ്പറിൽ മുഹമ്മദ് എന്ന പേരായ ഒരു കഥാപാത്രം ഉണ്ടായിരുന്നു. മുഹമ്മദ് എന്ന പേര് പ്രവാചകൻറെ പേരാണ് അതിനാൽ ആ പേര് ഉപയോഗിച്ച് ചീത്ത വിളിക്കുന്ന ഭാഗം പ്രവാചകനെ ചീത്ത വിളിച്ചതാണ് എന്ന് വരുത്തി അദ്ദേഹത്തിൻറെ കൈകൾ വെട്ടി മാറ്റുകയായിരുന്നു.
തുടർന്ന് കേരളത്തിലെ മുഖ്യധാരാ മാധ്യമങ്ങൾ മുതൽ സാമൂഹ്യ മാധ്യമങ്ങൾ വരെ ഈ വിഷയം ചർച്ച ചെയ്തു. ഇതിൻറെ പേരിൽ ജോസഫ് മാഷും കുടുംബവും അതിക്രൂരമായ രീതിയിൽ പീഡനങ്ങൾ സഹിക്കേണ്ടി വന്നു. രാഷ്ട്രീയപാർട്ടികൾ മുതൽ മതങ്ങൾ വരെ ഈ കൈവെട്ട് നടത്തിയ ആൾക്കൂട്ടത്തിന് പരസ്യമായും രഹസ്യമായും പിന്തുണ കൊടുത്തിരുന്നു. അവസാനം അദ്ദേഹത്തിൻറെ പ്രിയ പത്നിയുടെ ജീവിതം പോലും ബലിയായി നൽകേണ്ടി വന്നു.
ഒരുപക്ഷേ ഇനി ഇത്തരമൊരു സംഭവം കേരളത്തിൽ ആവർത്തിക്കാതിരിക്കത്തക്കവിധം മനുഷ്യമനസാക്ഷിയെ അത് തട്ടിയുണർത്തി. ഇനി കേരളത്തിൽ ഒരു വർഗീയ അതിക്രമം ഉണ്ടാവാതിരിക്കട്ടെ എന്ന് നമുക്ക് ആശിക്കാം. അങ്ങനെ ഉണ്ടായാൽ അതിന് പിന്നിലെ ജോസഫ് മാഷിൻറെ വേദനയും സഹനവും മലയാളിക്ക് മറക്കാൻ പറ്റില്ല.
എസൻസ് ഗ്ലോബൽ അയർലൻഡ് സംഘടിപ്പിക്കുന്ന ‘Iressense 22″ എന്ന പരിപാടിയിൽ സംസാരിക്കാൻ പ്രൊഫ. ടി ജെ ജോസഫ് അയർലണ്ടിലെത്തുന്നു. താല റുവാ റെഡ് (താല സ്ക്വയർ ഷോപ്പിംഗ് സെൻററിന് മുൻവശം) ഓഡിറ്റോറിയത്തിൽ വച്ച് ജൂലൈ പതിനൊന്നാം തീയതി വൈകുന്നേരം 4.30 മുതൽ 8.30 വരെയുള്ള സെമിനാറിൽ അദ്ദേഹം സംസാരിക്കുന്നു.
പ്രൊഫ. ടി. ജെ ജോസഫിന് പുറമേ “മതമില്ലാത്ത ജീവനുകൾ” എന്ന വിഷയത്തിൽ സെബി സെബാസ്റ്റ്യനും, “നമ്മുടെ കൂട്ടർ” എന്ന വിഷയത്തിൽ പ്രിൻസും, “പുറപ്പാട് (Man, God and Religion)” എന്ന വിഷയത്തിൽ ടോമി സെബാസ്റ്റ്യനും സംസാരിക്കുന്നു.
വിശദവിവരങ്ങൾക്ക്:
Sebi 087 226 3917
Tomy 0879289885
എന്നീ നമ്പറുകളിൽ ബന്ധപ്പെടാവുന്നതാണെന്ന് സംഘാടകർ അറിയിച്ചു.
നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…
ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…
ഡബ്ലിന് : ലൂക്കനില് മലയാളി യുവാവ് ഹൃദയസ്തംഭനത്തെ തുടര്ന്ന് മരിച്ചു. ലൂക്കന് ബാലിയോവന് അബിഡെയ്ല് റൈസിലെ രാജു കുര്യാക്കോസിന്റെ മകന്…
സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…
ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…
സ്വിറ്റ്സർലൻഡ്: സ്വിറ്റ്സർലൻഡിലെ വിൻറർതൂർ റെയിൽവേ സ്റ്റേഷനിൽ വ്യാഴാഴ്ച രാവിലെ തിരക്കേറിയ സമയത്തുണ്ടായ കത്തിക്കുത്തിൽ മൂന്ന് പേർക്ക് പരിക്കേറ്റു. ആക്രമണത്തിന്…