Ballyfermot റോഡപകടത്തിൽ യുവാവ് മരിച്ചു, കൂടെ യാത്ര ചെയ്ത യുവതിയ്ക്ക് ഗുരുതര പരിക്ക്; സംഭവസ്ഥലത്ത് നിന്ന് രക്ഷപ്പെടാൻ ശ്രമിച്ചയാൾ അറസ്റ്റിലായി

ഡബ്ലിനിലെ ഒരു തൂണിൽ കാർ ഇടിച്ച് അപകടമുണ്ടായതിനെ തുടർന്ന് കാർ യാത്രക്കാരനായിരുന്ന യുവാവ് മരിച്ചു. ഇന്നലെ രാത്രിയോടെയായിരുന്നു സംഭവം. Ballyfermotലെ Sarsfield Roadൽ ഉണ്ടായ വാഹനാപകടത്തിൽ യാത്രികയായിരുന്ന ഇരുപതുകാരിക്കും ഗുരുതര പരിക്കേറ്റു.

രാത്രി 10.30 നാണ് അപകടം സംഭവിച്ചത്. അപകടത്തിൽപ്പെട്ടവരെ സെന്റ് ജെയിംസ് ആശുപത്രിയിലേക്ക് കൊണ്ടുപോയെങ്കിലും യുവാവ് പിന്നീട് മരണപ്പെടുകയായിരുന്നു. എമർജൻസി സർവീസുകൾ എത്തിയപ്പോൾ കാർ ഡ്രൈവറെ കണ്ടെത്താനായില്ല.പിന്നീട് അദ്ദേഹത്തെ ഗാർഡായി അറസ്റ്റ് ചെയ്യുകയും ചോദ്യം ചെയ്യലിനായി Clondalkin garda stationലേക്ക് കൊണ്ടുപോകുകയും ചെയ്തു.

Palmerstown പ്രദേശത്ത് നിന്നുള്ള ആളാണ് മരിച്ചതെന്നാണ് പ്രാഥമിക വിവരം. ഫോറൻസിക് സംഘത്തിന് സംഭവസ്ഥലം പരിശോധിക്കാനായി രാത്രിയിൽ റോഡ് അടച്ചിരുന്നു, പക്ഷേ ഇന്ന് രാവിലെ വീണ്ടും തുറക്കുകയും ചെയ്തു.

ആ സമയത്ത് ഈ റോഡിൽ യാത്രചെയ്തിരുന്ന സാക്ഷികളാരെങ്കിലും ഉണ്ടെങ്കിൽ അവരുടെ ക്യാമറ ഫൂട്ടേജുകളുമായി ബന്ധപ്പെടണമെന്ന് ഗാർഡായി അറിയിച്ചു.

വിവരങ്ങൾ അറിയുന്നവർ 01 666 7200 എന്ന നമ്പറിൽ Ballyfermot Garda stationലോ 1800 666 111 എന്ന Garda Confidential Lineലോ ഏതെങ്കിലും ഗാർഡ സ്റ്റേഷനിലോ ബന്ധപ്പെണ്ടതാണ്.