മുംബൈ: റോയല്‍ ചലഞ്ചേഴ്‌സ് കിംഗ്‌സ് ഇലവന്‍ പഞ്ചാബ് മത്സരത്തിനിടെ കമന്ററിക്കിടയില്‍ സുനില്‍ ഗവാസ്‌കര്‍ നടത്തിയ വിവാദ പരാമര്‍ശത്തില്‍ പ്രതികരണവുമായി അനുഷ്‌ക ശര്‍മ.
ലോക്ഡൗണ്‍ സമയത്ത് അനുഷ്‌കയുടെ ബൗളിംഗിലാണ് കോഹ്‌ലി പരിശീലിച്ചതെന്നും ഇത് മതിയാവില്ലെന്നുമായിരുന്നു സുനില്‍ ഗവാസ്‌കറുടെ പരാമര്‍ശം.
എപ്പോഴാണ് ക്രിക്കറ്റിലേക്ക് തന്റെ പേര് വലിച്ചിഴക്കുന്നത് നിര്‍ത്തുക എന്നാണ് അനുഷ്‌ക ഗവാസ്‌കറോട് ചോദിച്ചിരിക്കുന്നത്.
‘മിസ്റ്റര്‍ ഗവാസ്‌കര്‍, നിങ്ങളുടെ സന്ദേശം വെറുപ്പുളവാക്കുന്നതാണെന്ന് ഒരു വസ്തുതയാണ്. പക്ഷെ എന്തു കൊണ്ടാണ് ഭര്‍ത്താവിന്റെ ഗെയിമിനായി ഒരു ഭാര്യയെ കുറ്റപ്പെടുത്തിക്കൊണ്ട് ഈ പ്രസ്താവന നടത്തിയത് എന്ന് നിങ്ങള്‍ വിശദീകരിക്കണമെന്ന് ഞാന്‍ ആഗ്രഹിക്കുന്നു. എല്ലാ ക്രിക്കറ്റര്‍മാരുടെയും സ്വകാര്യ ജീവിതത്തെ നിങ്ങള്‍ ബഹുമാനിക്കുന്നുവെന്ന് എനിക്കുറപ്പുണ്ട്. അതേ ബഹുമാനം എനിക്കും ഞങ്ങള്‍ക്കും തരണമെന്ന് നിങ്ങള്‍ കരുതുന്നില്ലേ?
എന്റെ ഭര്‍ത്താവിന്റെ പ്രകടനത്തെ പറ്റി പറയാന്‍ ഒരു പാട് വാക്കുകള്‍ നിങ്ങളുടെ മനസ്സിലുണ്ടായിരുന്നു എന്നെനിക്കറിയാം. അല്ലെങ്കില്‍ എന്റെ പേര് ഉപയോഗിച്ചാല്‍ മാത്രമേ ഇതിന് പ്രാതിനിധ്യം ഉണ്ടാവൂ എന്നാണോ?
ഇത് 2020 ആണ്. പക്ഷെ എന്റെ കാര്യത്തില്‍ മാറ്റമൊന്നും വന്നിട്ടില്ല. എപ്പോഴാണ് എന്റെ പേര് ക്രിക്കറ്റിലേക്ക് വലിച്ചിഴക്കുന്നത് നിര്‍ത്തുക?
ബഹുമാനപ്പെട്ട മിസ്റ്റര്‍ ഗവാസ്‌കര്‍, ഈ ജെന്റില്‍മാന്‍ ഗെയ്മില്‍ ഒരു ലെജന്റായ നിങ്ങളുടെ പേര് ഉയര്‍ന്നതാണ്. നിങ്ങളുടെ വാക്കുകള്‍ കേട്ടപ്പോള്‍ ഇക്കാര്യങ്ങള്‍ പറയണമെന്നെനിക്ക് തോന്നി,’ അനുഷ്‌ക ശര്‍മ കുറിച്ചു,
പഞ്ചാബിനെതിരായ മത്സരത്തില്‍ കോഹ്‌ലി ബാറ്റിംഗിലും ഫീല്‍ഡിംഗിലും മോശം പ്രകടനമായിരുന്നു നടത്തിയത്. കെ.എല്‍ രാഹുലിനെ ക്യാച്ചിലൂടെ പുറത്താക്കാനുള്ള അവസരം രണ്ടു തവണ കോഹ്‌ലി നഷ്ടപ്പെടുത്തിയിരുന്നു. അനുഷ്‌കക്കൊപ്പം ക്രിക്കറ്റ് കളിക്കുന്ന വീഡിയോ കോഹ്‌ലി നേരത്തെ പങ്കു വെച്ചിരുന്നു. ഇതുമായി ബന്ധിപ്പിച്ചായിരുന്നു സുനില്‍ ഗവാസ്‌കറുടെ പരാമര്‍ശം.
ശമ്പള കരാർ ചർച്ചകൾ പരാജയപ്പെട്ടതിനെത്തുടർന്ന് അയർലണ്ടിൽ വീണ്ടും ദേശീയ പണിമുടക്കിനുള്ള ഒരുക്കങ്ങൾ ആരംഭിച്ച് പൊതുമേഖലാ ട്രേഡ് യൂണിയനുകൾ. 3 ലക്ഷത്തിലധികം…
അയർലണ്ടിലെ പ്രമുഖ സൂപ്പർമാർക്കറ്റ് ശൃംഖലയായ SuperValu-വിന്റെ 13 സ്റ്റോറുകളിലെ ഫ്രിഡ്ജ്, ഫ്രീസർ സംവിധാനങ്ങളെ ബാധിച്ച സൈബർ സംഭവത്തെത്തുടർന്ന് ശീതീകരിച്ച ഭക്ഷ്യവസ്തുക്കൾ…
അയർലണ്ടിൽ പുതിയ ശമ്പള കരാർ സംബന്ധിച്ച സർക്കാർ–ട്രേഡ് യൂണിയൻ ചർച്ചകൾ തീരുമാനത്തിലെത്താതെ അവസാനിച്ചതോടെ പൊതുമേഖലയിൽ വീണ്ടും ദേശീയ പണിമുടക്കിന് സാധ്യത.…
വാഷിങ്ടൺ: അമേരിക്കയില്‍ നാളെ ഇടക്കാല തെരഞ്ഞെടുപ്പ് നടക്കാനിരിക്കെ നിർണായക പ്രഖ്യാപനവുമായി പ്രസിഡൻറ് ഡോണള്‍ഡ് ട്രംപ്. ഡെമോക്രാറ്റുകള്‍ക്ക് ഭൂരിപക്ഷം ലഭിച്ചാല്‍ താന്‍…
വിമാനയാത്രക്കാരെ സംബന്ധിച്ചിടത്തോളം നിർണായകമായ മാറ്റങ്ങളുമായി ഇന്ത്യയിൽ പുതിയ വ്യോമയാന നിയമങ്ങൾ. അസാധാരണ സാഹചര്യങ്ങളിൽ വിമാനടിക്കറ്റ് നിരക്കുകളിൽ ഇടപെടാനും താൽക്കാലിക നിർദേശങ്ങൾ…
ഇന്ത്യയിലേക്ക് അന്താരാഷ്ട്ര വിമാനത്തിൽ യാത്ര ചെയ്യുന്ന എല്ലാവർക്കും Air Suvidha Self-Declaration Form (SDF) നിർബന്ധമാക്കി. ഇന്ത്യൻ പാസ്‌പോർട്ട് ഉടമകൾ,…