രാജ്യത്ത് ഇന്ധനവിലയിൽ വീണ്ടും വർധനവ്

രാജ്യത്ത് ഇന്ധനവിലയിൽ വീണ്ടും വർധനവ്. പെട്രോളിന് 35 പൈസയും ഡീസലിന് 27 പൈസയുമാണ് വർധിച്ചിരിക്കുന്നത്ത്. ഇതോടെ കൊച്ചിയിലെ ഇന്നത്തെ പെട്രോൾ വില 101 രൂപ 01 പൈസയും, ഡീസൽ വില 95 രൂപ 71 പൈസയുമായി. ഇത് ആറാം തവണയാണ് ഈ മാസം ഇന്ധന വില വർധിക്കുന്നത്. ജൂണിൽ 17 തവണ ഇന്ധനവില വർധിച്ചിരുന്നു.

മുംബൈ, ദില്ലി, കൊൽക്കത്ത, ചെന്നൈ, ബെംഗളുരു എന്നീ മെട്രോ നഗരങ്ങളിലും 100 രൂപയ്ക്ക് മുകളിലാണ് പെട്രോൾ വില. പ്രാദേശിക നികുതികളായ വാറ്റ്, ചരക്ക് കൂലി എന്നിവ അനുസരിച്ച് ഇന്ധനവില ഓരോ സംസ്ഥാനങ്ങളിലും വ്യത്യസ്തമാണ്.