മൂന്നാറിൽ മണ്ണിടിച്ചിൽ; ട്രാവലർ അപകടത്തിൽപെട്ടു; ഒരാൾ വാഹനത്തിൽ കുടുങ്ങിയതായി സംശയം

മൂന്നാർ: കുണ്ടളയ്ക്ക് സമീപം പുതുക്കുടിയിൽ വിനോദസഞ്ചാരികളുമായി എത്തിയ ട്രാവലറിനു മുകളിൽ മണ്ണിടിഞ്ഞു വീണു. ഒരാൾ വാഹനത്തിൽ കുടുങ്ങിയതായി സംശയിക്കുന്നു.വിനോദസഞ്ചാരികളുമായി എത്തിയ ട്രാവലർ അപകടത്തിൽ പെട്ട് താഴേയുള്ള തേയിലത്തോട്ടത്തിലേക്ക് മറിഞ്ഞു. മണ്ണിടിഞ്ഞു വീഴുന്നതുകണ്ട് വാഹനം വെട്ടിച്ചതോടെ താഴേക്ക് മറിയുകയായിരുന്നു എന്നാണ് പ്രാഥമിക വിവരം. വാഹനത്തിന്റെ ഡ്രൈവർ കുടുങ്ങി കിടക്കുന്നതായാണ് സംശയം. മറ്റു യാത്രക്കാർക്ക് സാരമായ പരിക്കുകളൊന്നുമില്ല. പ്രദേശത്ത് രക്ഷാപ്രവർത്തനം പുരോഗമിക്കുകയാണ്. മൂന്നാറിൽ നിന്നും മാട്ടുപ്പെട്ടിയിൽ നിന്നുമുള്ള പോലീസ് സംഘവും സംഭവസ്ഥലത്തേക്ക് തിരിച്ചിട്ടുണ്ട്.

വിനോദസഞ്ചാരികളുമായി എത്തിയ ട്രാവലർ അപകടത്തിൽ പെട്ട് താഴേയുള്ള തേയിലത്തോട്ടത്തിലേക്ക് മറിഞ്ഞു. മണ്ണിടിഞ്ഞു വീഴുന്നതുകണ്ട് വാഹനം വെട്ടിച്ചതോടെ താഴേക്ക് മറിയുകയായിരുന്നു എന്നാണ് പ്രാഥമിക വിവരം. വാഹനത്തിന്റെ ഡ്രൈവർ കുടുങ്ങി കിടക്കുന്നതായാണ് സംശയം. മറ്റു യാത്രക്കാർക്ക് സാരമായപരിക്കുകളൊന്നുമില്ല. പ്രദേശത്ത് രക്ഷാപ്രവർത്തനംപുരോഗമിക്കുകയാണ്. മൂന്നാറിൽ നിന്നും മാട്ടുപ്പെട്ടിയിൽ നിന്നുമുള്ള പോലീസ് സംഘവുംസംഭവസ്ഥലത്തേക്ക് തിരിച്ചിട്ടുണ്ട്.

ഇടുക്കിയിൽ ഓറഞ്ച് അലേർട്ടാണെങ്കിലും പ്രദേശത്ത് വലിയ തോതിലുള്ള മഴ അനുഭവപ്പെട്ടിരുന്നില്ല. കഴിഞ്ഞ വർഷം പുതുക്കുടി മേഖലയിൽ ഉരുൾപ്പൊട്ടലുണ്ടായിരുന്നു. എന്നാൽ ഇപ്പോഴുണ്ടായ മണ്ണിടിച്ചിലിന് വലിയതോതിലുള്ളഅപകടസാധ്യതയില്ലെന്നാണ് ലഭിക്കുന്ന വിവരം. വാഹനത്തിലെ യാത്രക്കാരെ പറ്റിയും വിവരങ്ങൾ ലഭ്യമായിട്ടില്ല. കുണ്ടള ഡാമിന് സമീപമായതിനാൽ പ്രദേശത്ത് വിനോദസഞ്ചാരികളുടെ തിരക്ക് പതിവാണ്.മണ്ണിടിച്ചിൽ ഉണ്ടായതോടെ മൂന്നാർ വട്ടവട റോഡിൽ ഗതാഗതം നിരോധിച്ചു.