വിദേശ രാജ്യങ്ങളില് കഴിയുന്ന ഇന്ത്യന് പൗരന്മാര്ക്ക് ആധാര് കാര്ഡ് എടുക്കുന്നതിനുള്ള നിബന്ധനകളില് മാറ്റം. സാധുതയുള്ള ഇന്ത്യന് പാസ്പോര്ട്ട് മാത്രമാണ് ആധാര് എടുക്കാന് പ്രവാസികളില് നിന്ന് സ്വീകരിക്കുന്ന ഒരേയൊരു തിരിച്ചറിയല് രേഖയെന്ന് കേന്ദ്ര സര്ക്കാര് വ്യക്തമാക്കി. സാധുതയുള്ള ഇന്ത്യന് പാസ്പോര്ട്ടുള്ള എല്ലാ വിദേശ ഇന്ത്യക്കാര്ക്കും ആധാര് ലഭിക്കും. എന്നാല് 2023 ഒക്ടോബര് ഒന്നിന് ശേഷം ജനിച്ച വിദേശ ഇന്ത്യക്കാരും അല്ലാത്തവരും ജനന സര്ട്ടിഫിക്കറ്റ് കൂടി ഹാജരാക്കണമെന്നു മാത്രം.
പുതുക്കിയ നിബന്ധനകള് പ്രകാരം പ്രവാസികള്ക്ക് ആധാര് എടുക്കാന് ഇനി പ്രത്യേക ഫോറങ്ങളാണ് ഉപയോഗിക്കേണ്ടത്. വിവിധ പ്രായക്കാര്ക്ക് ഉപയോഗിക്കേണ്ട ഫോറങ്ങളിലും വ്യത്യാസമുണ്ട്. ആധാര് എന്റോള്മെന്റിനും മറ്റ് സേവനങ്ങള്ക്കുമായി ഉപയോഗിക്കേണ്ട ഫോറങ്ങളുടെ വിവരങ്ങളും യുനീക് ഐഡന്റിഫിക്കേഷന് അതോറിറ്റി പുറത്തിറക്കി. ഏത് ആധാര് എന്റോള്മെന്റ് സെന്ററില് നിന്നും ആധാര് എടുക്കാം. മുതിര്ന്നവര്ക്കും കുട്ടികള്ക്കും ആധാര് ലഭിക്കാന് കാലാവധി തീരാത്ത പാസ്പോര്ട്ട് ഉണ്ടായിരിക്കണം. പ്രവാസികള് ആധാര് എടുക്കുമ്പോള് ഇ-മെയില് വിലാസം നല്കണം. വിദേശ ഫോണ് നമ്പറുകളിലേക്ക് ആധാര് സേവനങ്ങളുടെ എസ്എംഎസുകള് ലഭിക്കില്ല.
അഞ്ച് വയസിനും 18 വയസിനും ഇടയില് പ്രായമുള്ളവരും ഇന്ത്യയില് വിലാസമുള്ളവരുമായ സ്വദേശികളും വിദേശ ഇന്ത്യക്കാരും ഫോറം നമ്പര് മൂന്ന് ആണ് ആധാര് എന്റോള്മെന്റിനും തിരുത്തലുകള്ക്കും ഉപയോഗിക്കേണ്ടത്. ഇന്ത്യക്ക് പുറത്തുള്ള വിലാസം നല്കുന്ന, അഞ്ച് വയസിനും 18 വയസിനും ഇടയില് പ്രായമുള്ള പ്രവാസികളായ കുട്ടികള്ക്ക് വേണ്ടി ഫോറം നമ്പര് നാല് ഉപയോഗിക്കാം. അഞ്ച് വയസിന് താഴെ പ്രായമുള്ളവരും ഇന്ത്യയില് വിലാസമുള്ളവരുമായ സ്വദേശികളും വിദേശ ഇന്ത്യക്കാരും ഉപയോഗിക്കേണ്ടത് ഫോറം നമ്പര് അഞ്ച് ആണ്. ഫോം നമ്പര് ആറ് ആണ് ഇന്ത്യക്ക് പുറത്ത് വിലാസം നല്കുന്ന അഞ്ച് വയസില് താഴെയുള്ള പ്രവാസികളായ കുട്ടികള്ക്ക് വേണ്ടി ഉപയോഗിക്കേണ്ടത്.
18 വയസിന് മുകളില് പ്രായമുള്ളവരും വിദേശ പാസ്പോര്ട്ടുള്ള ഇന്ത്യയില് സ്ഥിരമായി താമസിക്കുന്നവരുമായ ആളുകള് ഫോറം നമ്പര് ഏഴ് ആണ് ആധാറിനായി ഉപയോഗിക്കേണ്ടത്. ഇവര് വിദേശ പാസ്പോര്ട്ട്, ഒസിഐ കാര്ഡ്, സാധുതയുള്ള ദീര്ഘകാല വിസ, ഇന്ത്യന് വിസ, ഇ-മെയില് വിലാസം എന്നിവ നല്കണം.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
ആഹ്ലാദഭരിതമായ ഗതകാല സ്മരണകൾ ഉണർത്തിക്കൊണ്ട് മാവേലി മന്നനെ വരവേൽക്കാൻ സെൽബ്രിഡ്ജിലെ മലയാളികൾ ഒരുങ്ങുന്നു. സെൽബ്രിഡ്ജിലെ മലയാളി കൂട്ടായ്മ യുടെ ഓണാഘോഷ…
ഇക്കുറി ഓണത്തിന് സദ്യ കെങ്കേമം ആക്കണ്ടേ.? എന്നാൽ അതിന് ഇനി കറിക്ക് അറിഞ്ഞും അടുക്കളയിൽ വിയർത്തും സമയം കളയണ്ട.. നിങ്ങളുടെ…
അനധികൃത ഐപിടിവി (IPTV) സബ്സ്ക്രിപ്ഷനുകളും 'ഡോഡ്ജി ബോക്സുകളും' (Dodgy Boxes) വിൽക്കുന്നവർക്കെതിരെ നടപടി ശക്തമാക്കി ബ്രിട്ടീഷ് ബ്രോഡ്കാസ്റ്ററായ സ്കൈ (Sky).…
അയർലൻഡ് ഗാൽവേ ഹെഡ്ഫോർഡ് താമസിച്ചിരുന്ന മലയാളി ജയ്ജു ജേക്കബ് (38) നിര്യാതനായി ഭാര്യ: നിമിഷ തോമസ് , മക്കൾ : ഐറിസ്…
അയർലണ്ടിലെ ഇന്ത്യൻ സമൂഹത്തെ ലക്ഷ്യമിട്ട് വാട്സ്ആപ്പ് ഗ്രൂപ്പുകൾ വഴി നടക്കുന്ന അനധികൃത യൂറോ–INR എക്സ്ചേഞ്ച് ഇടപാടുകളെ മറയാക്കി പ്രവർത്തിക്കുന്ന തട്ടിപ്പ്…
സാമ്പത്തിക കുറ്റകൃത്യങ്ങൾ, കള്ളപ്പണം വെളുപ്പിക്കൽ (Money Laundering), തീവ്രവാദ ധനസഹായം (Terrorist Financing) എന്നിവ തടയുന്നതിനായി അയർലണ്ട് സർക്കാർ 30-പോയിന്റ്…