വഞ്ചനാ കേസിൽ സണ്ണി ലിയോണിനെ ഒന്നാംപ്രതിയാക്കി കേസെടുത്ത് ക്രൈംബ്രാഞ്ച്

കൊച്ചി: ഉദ്ഘാടന പരിപാടികളിൽ പങ്കെടുക്കാമെന്ന് വാഗ്ദാനം ചെയ്ത് 29 ലക്ഷം രൂപ വാങ്ങി എന്ന വഞ്ചനാ കേസിൽ നടി സണ്ണി ലിയോണിനെതിരെ ഒന്നാം പ്രതിയാക്കി കേസെടുത്ത് ക്രൈംബ്രാഞ്ച്. വിശ്വാസവഞ്ചന, ചതി, പണാപഹാരം തുടങ്ങിയ വകുപ്പുകൾ ചുമത്തിയാണ് കേസെടുത്തിരിക്കുന്നത്. ഡാനിയൽ വെബർ രണ്ടാം പ്രതിയും മാനേജർ സുനിൽ രജനി മൂന്നാം പ്രതിയുമാണ്.

2016 മുതല്‍ കൊച്ചിയിൽ വിവിധ വസ്ത്രസ്ഥാപനങ്ങളുടെ ഉദ്ഘാടനത്തില്‍ പങ്കെടുക്കുക്കാമെന്നു പറഞ്ഞു 12 തവണകളായി 29 ലക്ഷം രൂപ വാങ്ങി.എന്നായിരുന്നു പെരുമ്പാവൂർ സ്വദേശിയുടെ പരാതി. ഈ കേസിൽ ഇന്നലെ സണ്ണി ലിയോണിയുടെ അറസ്റ്റ് ഹൈക്കോടതി തടഞ്ഞിരുന്നു.

എന്നാൽ പരിപാടികളില്‍ പങ്കെടുക്കാതെ പറ്റിച്ചു എന്നാണ് പരാതിക്കാരൻ പറയുന്നത്. അതേസമയം താന്‍ പണം വാങ്ങിയിരുന്നു എന്നാല്‍ സംഘാടകരില്‍ നിന്നുണ്ടായ പിഴവുകാരണമാണ് പരിപാടിയില്‍ പങ്കെടുക്കാതിരുന്നത് എന്നാണ് താരം പറഞ്ഞതെന്നാണ് പുറത്തുവരുന്ന റിപ്പോര്‍ട്ട്.