Categories: Top Stories

ലോകത്തിന്റെ തലപ്പൊക്കമായ ബുർജ് ഖലീഫ പത്തരമാറ്റ് നിറവിൽ

ദുബായ്: ലോകത്തിന്റെ തലപ്പൊക്കമായ ബുർജ് ഖലീഫ പത്തരമാറ്റ് നിറവിൽ. 2010 ജനുവരി 4ന് ഉദ്ഘാടനം ചെയ്ത ഈ വിസ്മയ മന്ദിരം നേട്ടങ്ങളുടെ പതിറ്റാണ്ടു പൂർത്തിയാക്കി. ഹോട്ടൽ, താമസ കേന്ദ്രങ്ങൾ, റസ്റ്ററന്റുകൾ, ഉല്ലാസകേന്ദ്രങ്ങൾ തുടങ്ങിയവ ഉൾപ്പെടുന്നതാണ് ഈ വിസ്മയ സമുച്ചയം. അകത്തളങ്ങളെ അലങ്കരിക്കുന്നത് രാജ്യാന്തര കലാകാരന്മാരുടെ ആയിരത്തിലേറെ സൃഷ്ടികളാണ്. ലോകത്ത് ഏറ്റവും സന്ദർശകർ എത്തുന്ന കേന്ദ്രമാണിത്. ഒട്ടേറെ ആഘോഷങ്ങൾക്കും വേദിയാകുന്നു. 6 വർഷം കൊണ്ടാണ് ബുർജ് ഖലീഫ നിർമിച്ചത്. 2.2 കോടി മണിക്കൂർ മനുഷ്യാധ്വാനം വേണ്ടിവന്നതായി കണക്കാക്കുന്നു. 2011ൽ അറബ് രാജ്യങ്ങളിലെ മികച്ച നിര്‍മിതിക്കുള്ള എംഇഇഡി (മീഡ്) മിഡില്‍ ഈസ്റ്റ് അവാര്‍ഡ് നേടി.

കെട്ടിടത്തിന്റെ ‘അറ്റ് ദ് ടോപ്പിൽ’ നിന്നു നോക്കിയാൽ ദുബായിയുടെ മാസ്മരിക സൗന്ദര്യം ആസ്വദിക്കാം. ആദ്യം 125ാം നിലയിലും തുടർന്ന് 148ാം നിലയിലുമായിരുന്നു നിരീക്ഷണകേന്ദ്രം. ഇപ്പോൾ 152, 153, 154 നിലകളിൽ ഔട് ഡോർ ബാൽക്കണിയോടു കൂടിയ രാജകീയ സ്വീകരണമുറിയുണ്ട്. അതായത് 575 മീറ്റർ ഉയരത്തിലിരുന്നു സന്ദർശകർക്ക് സംഗീതം ആസ്വദിച്ചു ഭക്ഷണം കഴിക്കാം.

സിനിമാക്കാരുടെ സ്വന്തം

ഹോളിവുഡ് ചിത്രമായ മിഷൻ ഇംപോസിബിൾ: ഗോസ്റ്റ് പ്രോട്ടോകോൾ ഇവിടെ ചിത്രീകരിച്ചിരുന്നു. ബുർജ് ഖലീഫയുടെ ഉയരങ്ങളിലായിരുന്നു നായകനായ ടോം ക്രൂസിന്റെ സ്റ്റണ്ട് രംഗങ്ങൾ.

സവിശേഷതകള്‍

828 മീറ്റർ ഉയരമുള്ള ബുർജ് ഖലീഫയ്ക്ക് പാരിസിലെ ഈഫൽ ടവറിനേക്കാൾ മൂന്നിരട്ടിയോളം വലുപ്പമുണ്ട്. 95 കിലോമീറ്റർ അകലെ നിന്നു കാണാനാകും.

ഏറ്റവും കൂടുതൽ നിലകൾ, ഏറ്റവും ഉയരത്തിലുള്ള നിരീക്ഷണകേന്ദ്രം, ഏറ്റവും കൂടുതൽ ഉയരത്തിലേക്കു പോകുന്ന എലിവേറ്റർ തുടങ്ങിയവയും ബുർജ് ഖലീഫയുടെ പേരിലുള്ള റെക്കോഡുകളാണ്. എലിവേറ്റർ സെക്കൻഡിൽ 10 മീറ്റർ ഉയരത്തിലെത്തും. 124ാം നിലയിലെത്താൻ ഒരു മിനിറ്റ് മതി.

നിർമാണത്തിന് 3,30,000 ഘന മീറ്റർ കോൺക്രീറ്റ് ഉപയോഗിച്ചു. 39,000 ടൺ സ്റ്റീൽ, 103,000 ചതുരശ്ര മീറ്റർ സ്ഫടികം, 15,500 ചതുരശ്ര മീറ്റർ സ്റ്റീൽ പാളി എന്നിവയും ഉപയോഗിച്ചിട്ടുണ്ട്.



Newsdesk

Recent Posts

തലച്ചോറിന്റെ ആരോഗ്യം മെച്ചപ്പെടുത്തുന്നതിനുള്ള 7 നട്സ്

നട്സിൽ ആരോഗ്യകരമായ കൊഴുപ്പ്, പ്രോട്ടീൻ, വിറ്റാമിനുകൾ, മിനറൽ, ആന്റിഓക്‌സിഡന്റുകൾ എന്നിവ ധാരാളം അടങ്ങിയിട്ടുണ്ട്. ഇത് ഓർമ്മശക്തി കൂട്ടാനും ശ്രദ്ധ കേന്ദ്രീകരിക്കാനും…

38 mins ago

ഫ്രാൻസിലും എബോള; രോഗം സ്ഥിരീകരിച്ചത് കോംഗോയിൽ നിന്നും മടങ്ങിയെത്തിയ ഡോക്ടർക്ക്

ഫ്രാൻസ്: കോംഗോയിലെ നിന്ന് മടങ്ങിയെത്തിയ ഡോക്ടർക്ക് എബോള സ്ഥിരീകരിച്ചതായി ഫ്രാൻസ് ആരോഗ്യ മന്ത്രാലയം. രാജ്യത്ത് ആദ്യമായാണ് എബോള ബാധ സ്ഥിരീകരിച്ചത്.…

2 hours ago

HSEയ്ക്ക് €400 മില്യൺ അധിക ചെലവ്; ആരോഗ്യ സേവനങ്ങൾക്ക് കനത്ത സാമ്പത്തിക സമ്മർദ്ദമെന്ന് അധികൃതർ

അയർലണ്ടിലെ ആരോഗ്യ സേവന സ്ഥാപനമായ ഹെൽത്ത് സർവീസ് എക്സിക്യൂട്ടീവ് (HSE) മെയ് മാസാവസാനത്തോടെ ബജറ്റിനേക്കാൾ €400 മില്യൺ അധിക ചെലവിലായതായി…

4 hours ago

Meet the Maestro: VIP Ticket Holders to Get Exclusive Photo Opportunity with Ilaiyaraaja in Dublin

Dublin: Anticipation is reaching new heights as preparations continue for MAESTRO ILAIYARAAJA LIVE-IN CONCERT, one…

5 hours ago

ILAYARAAJA LIVE-IN CONCERT: സംഗീത ചക്രവർത്തിയെ നേരിൽ കാണാം, ഒപ്പം ചിത്രവും പകർത്താം.

സംഗീതാസ്വാദകരുടെ ഹൃദയം കീഴടക്കിയ മാസ്ട്രോ ഇളയരാജ ഡബ്ലിനിൽ ഒരുങ്ങുന്ന മഹാ സംഗീതവിരുന്ന് MAESTRO ILAYARAAJA LIVE-IN CONCERT ഇതിനോടകം തന്നെ…

6 hours ago

ലൂക്കനിൽ കുടുംബ സെമിനാർ 26ന്

ലൂക്കൻ: ലൂക്കൻ സെന്റ് തോമസ് സീറോ മലബാർ പള്ളിയിലെ  പിതൃവേദിയുടെയും, മാതൃവേദിയുടെയും നേതൃത്വത്തിൽ ഒരു കുടുംബ സെമിനാർ ജൂൺ 26…

1 day ago