റഷ്യ ഉപരോധം ഇന്ന് സ്ഥിരീകരിക്കും: ധനമന്ത്രി Paschal Donohoe

അയർലണ്ട്: കിഴക്കൻ ഉക്രെയ്‌നിലെ രണ്ട് വിഘടനവാദി മേഖലകളിലേക്ക് സൈന്യത്തെ അയക്കാനുള്ള തീരുമാനത്തെത്തുടർന്ന് റഷ്യയ്‌ക്കെതിരെ എന്ത് ഉപരോധം ഏർപ്പെടുത്തുമെന്ന് സർക്കാരും യൂറോപ്യൻ യൂണിയനും ഇന്ന് സ്ഥിരീകരിക്കുമെന്ന് ധനമന്ത്രി പറഞ്ഞു. ജനാധിപത്യത്തിന്റെ ഭാവി, യൂറോപ്പിലെ സുരക്ഷ, സ്വതന്ത്ര സർക്കാരുകളുടെ സ്വന്തം തീരുമാനങ്ങൾ എടുക്കാനുള്ള കഴിവ് എന്നിവയെക്കുറിച്ച് തനിക്ക് ആശങ്കയുണ്ടെന്നും അയർലൻണ്ടിന്റെയും യൂറോപ്യൻ യൂണിയന്റെയും വളർച്ചയിലും സാമ്പത്തിക പ്രകടനത്തിലും ഉക്രെയ്നിലെ യുദ്ധം ഉണ്ടാക്കാൻ സാധ്യതയുള്ള പ്രത്യാഘാതത്തെക്കുറിച്ച് ആശങ്കയുണ്ടെന്നും എന്നിരുന്നാലും, സാധ്യമായ കൂടുതൽ വർധിച്ച ഊർജ്ജ ചെലവുകൾ നേരിടാൻ അധിക പിന്തുണകൾ അവതരിപ്പിക്കാൻ ഉദ്ദേശിക്കുന്നില്ലെന്ന് Paschal Donohoe കൂട്ടിച്ചേർത്തു.

ഊർജ റിബേറ്റ് ഉൾപ്പെടെയുള്ള സമ്മതമുള്ള നടപടികൾ സർക്കാർ ഇതുവരെ അവതരിപ്പിച്ചിട്ടില്ലെന്നും ഈ നടപടികൾ പരിശോധിക്കുന്നതിനുള്ള അടുത്ത പോയിന്റ് ഒക്ടോബറിലെ ബജറ്റിലായിരിക്കുമെന്നും മന്ത്രി പറഞ്ഞു.

റഷ്യയുമായി കയറ്റുമതി, ഇറക്കുമതി എന്നിവയുമായി ബന്ധമുള്ള മേഖലകളിൽ ഏർപ്പെട്ടിരിക്കുന്ന ഐറിഷ് കമ്പനികൾക്ക് ഈ ഉപരോധങ്ങൾ എന്താണ് അർത്ഥമാക്കുന്നത് എന്നതിനെക്കുറിച്ച് ആശങ്കയുണ്ടെന്നും കയറ്റുമതി അയർലണ്ടിന്റെ ദേശീയ വരുമാനത്തിന്റെ ഏകദേശം 1% ആണെന്നും റഷ്യയിൽ നിന്നുള്ള ഇറക്കുമതി നമ്മുടെ ദേശീയ വരുമാനത്തിന്റെ ഏകദേശം 0.5% ആണെന്നും എന്നാൽ ആ 0.5% ഉള്ളിൽ മറ്റ് മേഖലകളേക്കാൾ റഷ്യയെ അൽപ്പം കൂടുതൽ ആശ്രയിക്കുന്ന മേഖലകളുണ്ട്, അതിനാൽ എന്ത് സംഭവിക്കുമെന്നതിനെക്കുറിച്ച് അവർ ആശങ്കകൾ ഉന്നയിക്കുമെന്ന് മനസ്സിലാക്കാമെന്നും അദ്ദേഹം പറഞ്ഞു.

അസ്വീകാര്യവും നിയമവിരുദ്ധവുമായ പെരുമാറ്റം മൂലം ഭീഷണി നേരിടുന്ന സുരക്ഷയുടെയും സംസ്ഥാനങ്ങളുടെ സ്വന്തം ഭാവി നിർണ്ണയിക്കാനുള്ള കഴിവിന്റെയും പശ്ചാത്തലത്തിലാണ് ഞങ്ങൾ ഈ തീരുമാനങ്ങൾ എടുക്കുന്നതെന്നും അതിനോടുള്ള പ്രതികരണത്തിന്റെ ഭാഗമാകേണ്ടത് അയർലൻണ്ടിന് ആവശ്യമാണെന്നും Paschal Donohoe ചൂണ്ടിക്കാട്ടി.

യൂറോപ്യൻ യൂണിയന്റെയും റഷ്യയുടെയും ധനവിപണിയും മൂലധന വിപണിയും തമ്മിലുള്ള ബന്ധം തകർക്കുകയും വെല്ലുവിളിക്കുകയും ചെയ്യുന്നതാണ് പിന്നീട് പ്രഖ്യാപിക്കേണ്ട ഉപരോധത്തിന്റെ ഒരു ഘടകംമെന്നും ഐ‌എഫ്‌എസ്‌സിക്ക് അകത്തും പുറത്തും വ്യാപാരം നടത്തുന്ന റഷ്യൻ മൂലധനത്തിന്റെ ഒരു തലമുണ്ട്, എന്നാൽ കഴിഞ്ഞ 24 മണിക്കൂറിനുള്ളിൽ ഉന്നയിക്കപ്പെട്ട നിരവധി പ്രശ്‌നങ്ങൾ കൈകാര്യം ചെയ്യാൻ കഴിഞ്ഞ രണ്ട് വർഷമായി സർക്കാർ നടപടികൾ സ്വീകരിച്ചിട്ടുണ്ടെന്നും അദ്ദേഹം വ്യക്തമാക്കി.

2019ലെ ധനകാര്യ നിയമത്തിൽ നികുതി നിയമങ്ങളിൽ മാറ്റങ്ങൾ വരുത്തിയത് ഇതിൽ ഉൾപ്പെടുന്നു. അതേസമയം കള്ളപ്പണം വെളുപ്പിക്കൽ വിരുദ്ധ നിയമനിർമ്മാണത്തിലും കഴിഞ്ഞ വർഷം കാര്യമായ മാറ്റങ്ങൾ വരുത്തിയിരുന്നു.

ഉക്രെയ്‌നിലെ ഐറിഷ് പൗരന്മാരുമായി നേരിട്ടും തുടർച്ചയായി സമ്പർക്കം പുലർത്തുന്നതായും ഉക്രെയ്നിലെ ഐറിഷ് പൗരന്മാരുടെ സുരക്ഷയ്ക്കാണ് മുൻഗണന” എന്നും വിദേശകാര്യ വകുപ്പ് അറിയിച്ചു. Kyivലെ അയർലൻഡ് എംബസിയിൽ 65 പേർ രജിസ്റ്റർ ചെയ്തിട്ടുണ്ട്.

നോർഡ് സ്ട്രീം 2 പ്രോജക്റ്റ് നിർത്താനുള്ള ജർമ്മനിയുടെ തീരുമാനം ഒരുപക്ഷേ ഉയർന്ന വിലക്കയറ്റത്തിലേക്ക് നയിക്കാം. എന്നാൽ ഇത് വിപണിയിലെ അനിശ്ചിതത്വത്തെ അർത്ഥമാക്കുമെന്ന് ഇക്കണോമിക് ആൻഡ് സോഷ്യൽ റിസർച്ച് ഇൻസ്റ്റിറ്റ്യൂട്ടിലെ സീനിയർ റിസർച്ച് ഓഫീസർ Dr Muireann Lynch പറഞ്ഞു. പൈപ്പ്‌ലൈൻ ഗ്യാസ് വിലയിൽ നല്ല സ്വാധീനം ചെലുത്തുമെന്ന് പ്രതീക്ഷിച്ചിരുന്നു. എന്നാൽ ഇപ്പോൾ വിതരണം ഉണ്ടാകുമെന്ന ഉറപ്പ് ഇല്ലാതായിക്കഴിഞ്ഞു. പെട്രോൾ പമ്പിലോ അവരുടെ ഹോം ഹീറ്റിംഗ് ബില്ലുകളിലോ ആളുകൾ അഭിമുഖീകരിക്കുന്ന വിലകൾ അന്താരാഷ്ട്ര വിപണിയിൽ സംഭവിക്കുന്നതിനെ ആശ്രയിച്ചിരുക്കുന്നുവെന്നും എന്നിരുന്നാലും, അന്താരാഷ്‌ട്ര വില ഉയരുമ്പോൾ സാധാരണഗതിയിൽ വില വർധനയിൽ കാലതാമസമുണ്ടാകുമെന്നും Dr Muireann Lynch പറഞ്ഞു.