ന്യൂഡല്‍ഹി: ജനിതക മാറ്റം സംഭവിച്ച കൊറോണ ബ്രിട്ടണില്‍ വ്യാപരിക്കുന്നതിന്റെ ഭാഗമായി ബ്രിട്ടണില്‍ നിന്നും വരുന്ന വിമാനങ്ങള്‍ ഡിസംബര്‍ 30 വരെ നിരോധിച്ചിരുന്നു. ഇതിന്റെ പശ്ചാത്തലത്തില്‍ ഇതിനകം ഇന്ത്യയില്‍ എത്തിക്കഴിഞ്ഞ ബ്രിട്ടണില്‍ നിന്നും വന്നവര്‍ക്ക് പ്രത്യേകം മാര്‍ഗനിര്‍ദ്ദേശം പുറത്തിറങ്ങി. ഇതുപ്രകാരം വന്നവരുടെ ലിസ്റ്റ് അധികം താമസിയാതെ എയര്‍പോര്‍ട്ട് അധികാരികള്‍ ആരോഗ്യപ്രവര്‍ത്തകര്‍ക്ക് കൈമാറും.
ഈ മാസം 21 നും 23 നും വിദേശത്തു നിന്നും എത്തിയവര്‍ നിര്‍ബന്ധമായും ആര്‍.ടി.പി.സിആര്‍ പരിശോധനയ്ക്ക് വിധേയരാവണം. ചിലര്‍ യാത്രാ വിലക്ക് ഏര്‍പ്പെടുത്തിയതോടെ ബ്രിട്ടണില്‍ നിന്നും ബോട്ടുമാര്‍ഗം മറ്റെതെങ്കിലും സ്ഥലത്ത് ചെന്നതിന് ശേഷം ഇന്ത്യയിലേക്കോ, അവര്‍ക്ക് പോവേണ്ടുന്ന സ്ഥലത്തേക്ക് മാറി യാത്ര ചെയ്തവരും ഉണ്ട്. അവരെയും കൃത്യമായി രേഖാമൂലം പരിശോധന നടത്തുമെന്നും കേന്ദ്ര ആരോഗ്യ മന്ത്രാലയം അറിയിച്ചു.
ടെസ്റ്റു ചെയ്തവരില്‍ ആരെങ്കിലും പോസിറ്റിവ് ആണെങ്കില്‍ അവരെ ഇന്‍സ്റ്റിറ്റിയൂഷണല്‍ ക്വാറന്റെീനില്‍ ആക്കുകയും ജനതിക അടിസ്ഥാനത്തിനുള്ള ആര്‍.ടി.പി.സിആര്‍ പരിശോധന നടത്തുകയും ചെയ്യും. നെഗറ്റീവ് ആയവര്‍ക്ക് വീടുകളില്‍ ക്വാറന്റെിനില്‍ ഇരുന്നാല്‍ മതിയാവും. ഇപ്പോള്‍ ഇന്ത്യയിലുള്ള വൈറസ് ആണെങ്കില്‍ സാധാരണ ചികിത്സകള്‍ മതിയാവും. എന്നാല്‍ പുതിയ തരം വൈറസിന്റെ സാന്നിധ്യമാണ് കാണുന്നതെങ്കില്‍ അവരെ പ്രത്യേകം ഐസൊലേറ്റഡ് യൂണിറ്റിലേക്ക് മാറ്റും.
കൂടാതെ ഡിസംബര്‍ 21 നും 23 നുമിടയില്‍ വിദേശത്തു നിന്നും വന്നരില്‍ നിന്നും രോഗം ബാധിച്ചവരും ഇതുപോലെ ഇന്‍സ്റ്റിറ്റിയൂഷണല്‍ ക്വാറന്‍ന്റൈനില്‍ പോവണമെന്നും ആരോഗ്യമന്ത്രാലയം നിര്‍ദ്ദേശിച്ചു. പോസിറ്റീവ് ആയവരോടൊപ്പം അതേ സീറ്റിലും മുന്നിലും പിന്നിലും ഇരുന്ന മൂന്നു നിരയിലുള്ളവരാണ് ഇന്‍സ്റ്റ്യൂഷണല്‍ ക്വാറന്റെീനില്‍ പോവേണ്ടത്. ഇതുകുടാതെ നവംബര്‍ 25 മുതല്‍ ഡിസംബര്‍ 8 വരെ കാലയളവില്‍ യു.കെ.യില്‍ നിന്നും എത്തിവരെയും ആരോഗ്യ പ്രവര്‍ത്തകര്‍ ബന്ധപ്പെട്ട് നിരിക്ഷിക്കും. ലക്ഷണമുള്ളവര്‍ ആര്‍.ടി.പി.സി.ആര്‍ ടെസ്റ്റ് നടത്തും. അതുപോലെ ഡിസംബര്‍ 9 മുതല്‍ 23 വരെ ബ്രിട്ടണില്‍ നിന്നും എത്തിവരെയും ജില്ലാ സര്‍വലൈന്‍സ് ഓഫീസര്‍ ബന്ധപ്പെട്ട് ടെസ്റ്റുകള്‍ നടത്തിക്കും.
സൗദി: ജിദ്ദ വിമാനത്താവളത്തിൽ നിന്ന് കാണാതായ മലയാളി നഴ്സ് ഫിലോമിനയെ സൗദി പൊലീസ് കസ്റ്റഡിയിലെടുത്തതായി റിപ്പോർട്ട്. വയനാട് സുൽത്താൻ ബത്തേരി…
വെള്ളപ്പൊക്കത്തിനും യാത്രാതടസ്സങ്ങൾക്കും സാധ്യത അയർലണ്ടിന്റെ പടിഞ്ഞാറൻ, വടക്കുപടിഞ്ഞാറൻ, തെക്കൻ മേഖലകളിൽ ശക്തമായ കാറ്റിനും കനത്ത മഴയ്ക്കും സാധ്യതയുള്ളതിനാൽ ഏഴ് കൗണ്ടികളിൽ…
അയർലണ്ടിൽ ശമ്പളക്കരാർ സംബന്ധിച്ച തർക്കം രൂക്ഷമായതോടെ രാജ്യവ്യാപകമായി മൂന്ന് ലക്ഷത്തിലധികം പൊതുമേഖലാ ജീവനക്കാർ പണിമുടക്കിൽ. അധ്യാപകർ, നഴ്‌സുമാർ, ഡോക്ടർമാർ, സിവിൽ…
ചില സിനിമകൾ കാലം എത്ര കഴിഞ്ഞാലും മനസ്സിൽ നിന്ന് മായില്ല. അതിലെ കഥാപാത്രങ്ങളും പ്രണയനിമിഷങ്ങളും പാട്ടുകളും വീണ്ടും വീണ്ടും ഓർത്തെടുക്കാൻ…
അയർലൻഡിലെ കോർക്കിൽ താമസിക്കുന്ന മലയാളി ടെസി മാത്യു (Tessy Mathew) നിര്യാതയായി. ബാലിവൊലാനിൽ താമസിക്കുന്ന മേക്കാട്ടുകുളം ടോണി ജോസിന്റെ ഭാര്യയായ…
അയർലണ്ടിൽ പൗരത്വം നേടുന്നതിനുള്ള നിയമങ്ങൾ കർശനമാക്കാനുള്ള സർക്കാർ നീക്കത്തിന് പിന്നാലെ പൗരത്വ അപേക്ഷകളിൽ വൻ വർധന. 2026 സെപ്റ്റംബറിൽ മാത്രം…