ന്യൂഡല്‍ഹി: പാക്കിസ്ഥാനില്‍ തടവില്‍ കഴിയുന്ന മുന്‍ ഇന്ത്യന്‍ നാവിക ഉദ്യോഗസ്ഥന്‍ കുല്‍ഭൂഷണ്‍ ജാദവിന്റെ മോചനത്തിനായി ഇന്ത്യ സമ്മര്‍ദ്ദം ശക്തമാക്കി.
ദേശീയ സുരക്ഷാ ഉപദേഷ്ടാവ് അജിത്‌ ഡോവലാണ് ഇന്ത്യന്‍ നീക്കങ്ങള്‍ക്ക്‌ ചുക്കാന്‍ പിടിക്കുന്നത്‌.
ഇന്ത്യ ജാദവിന്റെ മോചനത്തിനായി പിന്‍വാതില്‍ ചര്‍ച്ചകള്‍ നടത്തുകയാണെന്ന് മുതിര്‍ന്ന അഭിഭാഷകന്‍ ഹരീഷ് സാല്‍വെ പറഞ്ഞിരുന്നു. കുല്‍ഭൂഷണ്‍ ജാദവ് കേസില്‍ അന്താരാഷ്ട്ര നീതിന്യായ കോടതിയില്‍ ഇന്ത്യയ്ക്ക് വേണ്ടി ഹാജരായത് ഹരീഷ് സാല്‍വെയാണ്.
അന്താരാഷ്ട്ര നീതിന്യായ കോടതിയുടെ ഉത്തരവ് നടപ്പിലാക്കാന്‍ പാക്കിസ്ഥാന്‍ തയ്യാറാകണം എന്ന് ആവശ്യപെട്ട് ഇന്ത്യ വീണ്ടും
അന്താരാഷ്ട്ര നീതിന്യായ കോടതിയെ സമീപിക്കുമെന്ന സൂചനയും ഹരീഷ് സാല്‍വെ നല്കുന്നു.
കുല്‍ഭൂഷണ്‍ ജാദവിന്റെ വധശിക്ഷ ഹെഗിലെ അന്താരാഷ്ട്ര നീതിന്യായ കോടതി കഴിഞ്ഞ വര്‍ഷം ജൂലായില്‍ സ്റ്റേ ചെയ്തിരുന്നു.
കുല്‍ഭൂഷണ്‍ ജാദവിന് നയതന്ത്ര സഹായം ലഭ്യമാക്കുന്നതിനും അന്താരാഷ്ട്ര നീതിന്യായ കോടതി ഉത്തരവിട്ടിരുന്നു.
അദ്ധേഹത്തിന് നയതന്ത്ര സഹായം ലഭ്യമാക്കാന്‍ അനുവദിക്കാത്ത പാകിസ്ഥാന്‍റെ നടപടി വിയന്ന കരാറിന്റെ ലംഘനം ആണെന്നും അന്താരാഷ്ട്ര നീതിന്യായ കോടതി ചൂണ്ടികാട്ടുകയും ചെയ്തു.
ഇന്ത്യ സമ്മര്‍ദ്ദം ശ്കതമാക്കുകയും പാകിസ്ഥാനോട് ജാദവിന് വധശിക്ഷക്ക് വിധിച്ച പാക്കിസ്ഥാന്‍ പട്ടാളകോടതിയുടെ ഉത്തരവ് നല്‍കണമെന്ന് ആവശ്യപെടുകയും ചെയ്തിട്ടുണ്ട്,ഈ സാഹചര്യത്തില്‍ കുല്‍ഭൂഷണ്‍ ജാദവിനെ മോചിപ്പിക്കുകയല്ലാതെ പാകിസ്ഥാന് മുന്നില്‍ മറ്റ് വഴികള്‍ ഇല്ലെന്നും ഹരീഷ് സാല്‍വെ പറയുന്നു.മനുഷിക പരിഗണനയുടെ പേര് പറഞ്ഞാകും പാകിസ്ഥാന് കുല്‍ഭൂഷണ്‍ ജാദവിനെ മോചിപ്പിക്കുക. ഇന്ത്യയുടെ നിയമപോരാട്ടവും നയതന്ത്ര നീക്കവും സമ്മര്‍ദ്ദ തന്ത്രവും ശരിയായ ദിശയിലാണെന്നാണ് വിവരം.
കൊച്ചി: ചേരാനല്ലൂർ വാഹനാപകടവുമായി ബന്ധപ്പെട്ട കേസിൽ രണ്ടാം പ്രതിയായ അഡീഷണൽ ജഡ്‌ജിയുടെ അറസ്റ്റ് ഹൈക്കോടതി തടഞ്ഞു. കേസിൽ ഒന്നാം പ്രതിയായ…
മാലോ: വിന്റർ പ്രീമിയർ ലീഗിന്റെ ആദ്യ പതിപ്പിന് നവംബർ 22ന് മാലോ ജിഎഎ വേദിയാകും. ടൈലെക്സ് (TILEX) ടൈറ്റിൽ സ്പോൺസറാകുന്ന…
അയർലൻഡിലെ യാത്രക്കാർക്ക് ആശ്വാസമാകുന്ന നിർണായക ഗതാഗത വികസന പദ്ധതിക്ക് തുടക്കമാകുന്നു. ഡബ്ലിനിൽനിന്ന് കൗണ്ടി കിൽഡെയറിലെ കിൽകോക്കിലേക്കും കൗണ്ടി മീത്തിലെ M3…
അയർലൻഡിലെ ജനങ്ങൾക്ക് ആശങ്കയുയർത്തി വൈദ്യുതി, ഗ്യാസ് വില വീണ്ടും വർധിച്ചേക്കുമെന്ന് മുന്നറിയിപ്പ്. ആഗോള വിപണിയിൽ ഊർജവില ഉയരുന്നതും വൈദ്യുതി വിതരണവുമായി…
സ്പെയിനിൽ രണ്ട് അതിവേഗ ട്രെയിനുകൾ കൂട്ടിയിടിച്ചുണ്ടായ അപകടത്തിൽ 30- ഓളം പേർ മരിച്ചു. നിരവധി പേർക്ക് പരിക്കേറ്റതായും മരണസംഖ്യ ഇനിയും…
പാതി മറച്ച ദിലീപിൻ്റെ മുഖം, ഒരു തലയോട്ടിയും ഒപ്പം.ഉല്ലാസ് കൃഷ്‌ണ സംവിധാനം ചെയ്യുന്ന 'ഹെനോക്ക്' എന്ന ചിത്രത്തിൻ്റെ ഇന്നു പുറത്തുവിട്ട…