ഇന്ത്യയിൽ പുതിയ എയർലൈൻ പ്രവർത്തനമാരംഭിച്ചു

ആകാശ എയർ ഇന്ത്യയിൽ പ്രവർത്തനമാരംഭിച്ചു. 2022-ലെ വേനൽക്കാലത്ത് ഇന്ത്യയിലെ ഏറ്റവും പച്ചപ്പുള്ളതും ഏറ്റവും പ്രായം കുറഞ്ഞതുമായ ഫ്ലീറ്റുമായി ആകാശ എയർ പുറപ്പെടുകയാണ്. ഊഷ്മളവും കാര്യക്ഷമവുമായ ഉപഭോക്തൃ സേവനം, വിശ്വസനീയമായ പ്രവർത്തനങ്ങൾ, താങ്ങാനാവുന്ന നിരക്കുകൾ എന്നിവയാണ് ആകശയുടെ ബ്രാൻഡ് വാഗ്ദാനത്തിന്റെ അടിസ്ഥാന ശിലകൾ.

ഇന്ത്യയുടെ ഏറ്റവും പുതിയ വിമാന സർവീസ് ആകാശ എയർ, അതിന്റെ 72 ബോയിംഗ് 737 മാക്‌സ് വിമാനങ്ങളിൽ ആദ്യത്തേത് ഇന്ദിരാഗാന്ധി ഇന്റർനാഷണൽ എയർപോർട്ടിൽ നേതൃത്വ ടീമിന്റെ സാന്നിധ്യത്തിൽ ഇന്നലെ സ്വാഗതം ചെയ്തു. 2022 ജൂൺ 15-ന് യുഎസിലെ സിയാറ്റിലിൽ വച്ച് വിമാനത്തിന്റെ ആചാരപരമായ താക്കോലുകൾ എയർലൈന് ലഭിച്ചു. ആകാശ എയറിന്റെ ആദ്യ വിമാനത്തിന്റെ ഡെലിവറി, വാണിജ്യ പ്രവർത്തനങ്ങൾ ആരംഭിക്കുന്നതിന് ആവശ്യമായ എയർ ഓപ്പറേറ്റേഴ്‌സ് പെർമിറ്റ് (AOP) നേടുന്നതിന് എയർലൈനെ അടുപ്പിക്കുന്നു.

“ഞങ്ങളുടെ ആദ്യ വിമാനത്തിന്റെ വരവ് ഞങ്ങൾക്കെല്ലാവർക്കും വളരെ സന്തോഷകരമായ നിമിഷമാണ്, കൂടാതെ ഇന്ത്യയിലെ ഏറ്റവും ഹരിതവും ആശ്രയയോഗ്യവും താങ്ങാനാവുന്നതുമായ എയർലൈൻ കെട്ടിപ്പടുക്കുകയെന്ന ഞങ്ങളുടെ കാഴ്ചപ്പാടിൻ്റെ ഒരു സുപ്രധാന നാഴികക്കല്ല് അടയാളപ്പെടുത്തുകയും ചെയ്യുന്നു എന്ന് വിമാനത്തിന്റെ സമയോചിതമായ വരവിനെക്കുറിച്ച് അഭിപ്രായപ്പെട്ടുകൊണ്ട്, ആകാശ എയർ സ്ഥാപകനും മാനേജിംഗ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായ വിനയ് ദുബെ പറഞ്ഞു.

സമീപ വർഷങ്ങളിൽ ഇന്ത്യൻ വ്യോമയാനം കൈവരിച്ച പുരോഗതിയുടെ ഒരു പ്രധാന ഉദാഹരണമാണ് ആകാശ എയർ എന്നും കൂടാതെ രാജ്യത്തിന്റെ ഊർജ്ജസ്വലമായ സ്റ്റാർട്ട്-അപ്പ് ഇക്കോസിസ്റ്റത്തിന്റെ സാക്ഷ്യപത്രം കൂടിയാണ് ആകാശ എയർ എന്നും ഇത് നമുക്കും ഇന്ത്യൻ വ്യോമയാനത്തിനും ഒരു സുപ്രധ നാഴികക്കല്ല് മാത്രമല്ല, ഇത് ഒരു പുതിയ ഇന്ത്യയുടെ കഥയാണ് കൂടിയാണെന്നും അദ്ദേഹം കൂട്ടിച്ചേർത്തു.