കുവൈറ്റിൽ പാർപ്പിട മേഖലയിലുണ്ടായ തീ പിടുത്തത്തിൽ എട്ട് കുട്ടികൾ മരിച്ചു

കുവൈറ്റ്: സബാ അൽ അഹമ്മദ് പാർപ്പിട മേഖലയിലുണ്ടായ തീ പിടുത്തത്തിൽ എട്ട് കുട്ടികൾ മരിച്ചു. കഴിഞ്ഞ ദിവസം വൈകിട്ട് ആറുമണിയോടെയാണ് മേഖലയിലെ സ്വദേശിയുടെ വീട്ടിലാണ് തീപിടുത്തമുണ്ടായത്.

വിവരമറിഞ്ഞ് സ്ഥലത്തെത്തിയ അഗ്നിശമന സേനാംഗങ്ങൾ വീടിനുള്ളിൽ നിന്നും കുട്ടികളെ രക്ഷപ്പെടുത്തി ആശുപത്രിയിലെത്തിച്ചുവെങ്കിലും ഗുരുതരാവസ്ഥയിലായിരുന്ന ഇവർ മരിക്കുകയായിരുന്നു. എട്ട് മാസത്തിനും 14 വയസിനും ഇടയിൽ പ്രായമുള്ള എട്ട് കുട്ടികളാണ് മരിച്ചതെന്നാണ് വിവരം.

അല്‍ കൂത്, അല്‍വഫ്ര അഗ്‌നിശമന സേനകളുടെ മണിക്കൂറുകള്‍ നീണ്ട ശ്രമ ഫലമായാണ് കെട്ടിടത്തിനുള്ളില്‍ കുടുങ്ങിയ എല്ലാവരെയും പുറത്തെത്തിക്കുകയും തീ നിയന്ത്രണ വിധേയമാക്കുകയും ചെയ്തത്. സംഭവത്തിൽ അന്വേഷണം ആരംഭിച്ചിട്ടുണ്ട്.