ഏകദേശം 30 ദശലക്ഷം യൂറോ ചെലവഴിച്ച് വികസിപ്പിച്ച ഐറിഷ് റെയിലിന്റെ പുതിയ ട്രാഫിക് മാനേജ്മെന്റ് സിസ്റ്റം (TMS) നിർണായക സുരക്ഷാ പരിശോധനകളിൽ പരാജയപ്പെട്ടതായി കണ്ടെത്തി. ട്രെയിൻ അപകടങ്ങൾ തടയാൻ നിർണായകമായ സുരക്ഷാ സംവിധാനങ്ങൾ വിശ്വസനീയമായി പ്രവർത്തിച്ചില്ലെന്ന് പരിശോധനയിൽ വ്യക്തമായി. ട്രെയിൻ ചുവപ്പ് സിഗ്നൽ മറികടക്കുമ്പോൾ മുന്നറിയിപ്പ് നൽകുന്ന ‘സിഗ്നൽ പാസ്ഡ് അറ്റ് ഡേഞ്ചർ’ (SPAD) അലാറം ദീർഘനേരം സ്റ്റേഷനിലോ രാത്രിയിലോ നിർത്തിയിട്ടിരുന്ന ട്രെയിനുകളിൽ ശരിയായി പ്രവർത്തിച്ചില്ലെന്നാണ് പരിശോധനയിൽ കണ്ടെത്തിയത്. റെയിൽ സുരക്ഷയിലെ ഏറ്റവും പ്രധാനപ്പെട്ട സംവിധാനങ്ങളിലൊന്നാണ് ഇത്.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
പരിശോധനാ ഫലങ്ങളുടെ അടിസ്ഥാനത്തിൽ, ഈ ഐ.ടി. സംവിധാനം വികസിപ്പിച്ച ഇന്ദ്ര (Indra) എന്ന കമ്പനിയുടെ കരാർ അവസാനിപ്പിക്കണമെന്ന് ഐറിഷ് റെയിൽ ഡയറക്ടർ ബോർഡ് തീരുമാനിച്ചിട്ടുണ്ട്. എന്നാൽ പദ്ധതിയുടെ അന്തിമഭാവിയെക്കുറിച്ചുള്ള തീരുമാനം ധനസഹായം നൽകിയ നാഷണൽ ട്രാൻസ്പോർട്ട് അതോറിറ്റി (NTA) ആണ് എടുക്കുക. റെയിൽ ശൃംഖലയിലെ സിഗ്നലിംഗ്, ആശയവിനിമയം, മറ്റ് സംവിധാനങ്ങൾ എന്നിവയെ ഏകോപിപ്പിക്കുന്നതിനായാണ് ട്രാഫിക് മാനേജ്മെന്റ് സിസ്റ്റം വികസിപ്പിച്ചത്. ആദ്യം ഏകദേശം 19 ദശലക്ഷം യൂറോ ചെലവും രണ്ട് വർഷം മുമ്പ് പദ്ധതി പൂർത്തിയാകുമെന്നുമായിരുന്നു കണക്കുകൂട്ടൽ. എന്നാൽ പദ്ധതി വൻതോതിൽ വൈകുകയും ചെലവ് 30 ദശലക്ഷം യൂറോവിലെത്തുകയും ചെയ്തു.
ഇന്ദ്രയ്ക്ക് നൽകിയ 28.2 ദശലക്ഷം യൂറോയും പദ്ധതിയുടെ മാനേജ്മെന്റിനായി ചെലവഴിച്ച 17 ദശലക്ഷം യൂറോയിലേറെയും എഴുതിത്തള്ളിയതായി ഐറിഷ് റെയിൽ അറിയിച്ചു. ഏപ്രിലിൽ സമർപ്പിച്ച പുതിയ സോഫ്റ്റ്വെയറും പ്രാഥമിക സുരക്ഷാ പരിശോധനയിൽ പരാജയപ്പെട്ടതിനെ തുടർന്ന് പ്രവർത്തനപരിശോധനയ്ക്ക് പോലും തയ്യാറല്ലെന്നാണ് ഐറിഷ് റെയിലിന്റെ വിലയിരുത്തൽ. നിലവിലെ സാഹചര്യത്തിൽ പദ്ധതി പൂർണമായും നടപ്പാക്കുന്നത് 2030-കളിലേക്കും നീളാൻ സാധ്യതയുണ്ടെന്നാണ് റിപ്പോർട്ടുകൾ. ഈ വിഷയം ബുധനാഴ്ച Oireachtas ട്രാൻസ്പോർട്ട് സമിതിയും ജൂലൈ മധ്യത്തിൽ ഡയൽ പബ്ലിക് അക്കൗണ്ട്സ് കമ്മിറ്റിയും പരിശോധിക്കും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
ടൊവിനോ തോമസ്സും പുതുമുഖം മേഘനയും കേന്ദ്ര കഥാപാത്രങ്ങളെ അവതരിപ്പിക്കുന്നമുൻപേ എന്ന ചിത്രത്തിൻ്റെ ചിത്രീകരണം സ്വാതന്ത്ര്യദിനമായ ആഗസ്റ്റ് പതിനഞ്ച് ശനിയാഴ്ച്ച ഊട്ടിയിലെ…
ഡബ്ലിനിലെ ലുവാസ് ട്രാമുകളിൽ യാത്രക്കാരും വളർത്തുമൃഗങ്ങളും വാതിലിൽ കുടുങ്ങി പ്ലാറ്റ്ഫോമിലൂടെ വലിച്ചിഴയ്ക്കപ്പെടുന്ന സംഭവങ്ങൾ വർധിക്കുന്ന സാഹചര്യത്തിൽ സുരക്ഷാ സാങ്കേതികവിദ്യകൾ ശക്തിപ്പെടുത്തണമെന്ന്…
അയർലണ്ടിലെ ആദ്യമായി വീട് വാങ്ങുന്നവർക്കായി സർക്കാർ നടപ്പാക്കുന്ന Help to Buy പദ്ധതിയിൽ അപേക്ഷിച്ചവരിൽ പകുതിയോളം പേർക്ക് സാമ്പത്തിക സഹായം…
Knock : കൃപാസനം അയർലൻഡിന്റെ ആഭിമുഖ്യത്തിൽ സംഘടിപ്പിക്കുന്ന വാർഷിക അഖണ്ഡ ജപമാല യജ്ഞം 2026 ഒക്ടോബർ 24 ശനിയാഴ്ച പ്രശസ്ത…
അയർലണ്ടിലെ ഉപഭോക്താക്കൾക്ക് വൈദ്യുതി നിരക്കിൽ വീണ്ടും വർധന. സെപ്റ്റംബർ 14 മുതൽ വൈദ്യുതി നിരക്ക് 7.6% ഉയർത്തുമെന്ന് Pinergy പ്രഖ്യാപിച്ചു.…
നീലക്കണ്ണുകളുള്ളൊരു വെൺ മേഘ പക്ഷി.... വാനിൽ ചിറകുവിരിച്ചു പറക്കും... മോഹം കൊണ്ടു പണിഞ്ഞൊരു കൊട്ടാരക്കെട്ടിൽ... മേലേ.. വെൺ കെച്ചക്കൊടി പാറുന്നുണ്ടല്ലോ…