Ireland

ഡബ്ല്യൂ.എം.സി അയർലൻഡ് പ്രൊവിൻസിന്റെ Social Responsibility Award പി.ഐ ലോനപ്പന് (ഡിവൈൻ കരുണാലയം)

വേൾഡ് മലയാളി കൗൺസിൽ അയർലൻഡ് പ്രൊവിൻസിന്റെ 2020 -ലെ  Social Responsibility Award -നായി  ഡിവൈൻ കരുണാലയം ചാരിറ്റബിൾ ട്രസ്റ്റ് മാനേജിങ് ട്രസ്റ്റി പി.ഐ ലോനപ്പനെ തിരഞ്ഞെടുത്തു. 

2016  -ലാണ് ജീവകാരുണ്യ പ്രവർത്തനങ്ങിലൂടെ ചുമതലാബോധത്തോടെ   സാമൂഹ്യ ഇടപെടലുകൾ നടത്തുന്നവർക്കായി ഡബ്ല്യൂ.എം.സി അയർലൻഡ് പ്രൊവിൻസ് ‘Social Responsibility Award ‘ഏർപ്പെടുത്തിയത്. അസ്സീസി ചാരിറ്റബിള് ഫൌണ്ടേഷൻ സ്ഥാപകയായ ശ്രീമതി. മേരി മക്ക്കോർമക്ക് , മെറിൻ ജോർജ്ജ് ഫൌണ്ടേഷൻ ചെയർപേഴ്സൺ ഫാ: ജോർജ് തങ്കച്ചൻ, Munster Indian Cultural Association (MICA) യുടെ ജീവകാരുണ്യ വിഭാഗമായ ‘Share & Care, Limerick’ എന്നിവർ മുൻവർഷങ്ങളിൽ അവാർഡിനർഹരായിരുന്നു.

പത്തനംതിട്ട കേന്ദ്രമാക്കി പ്രവർത്തിക്കുന്ന ഡിവൈൻ കരുണാലയം ചാരിറ്റബിൾ ട്രസ്റ്റ്, സമൂഹത്തിലെ ശാരീരിക, മാനസിക വെല്ലുവിളികൾ നേരിടുന്ന ഒറ്റപെട്ടവർക്ക് തണലായി പ്രവർത്തിക്കുന്നു. ഒപ്പം 1996  മുതൽ ദിവസവും മുടക്കം ഇല്ലാതെ  പത്തനംതിട്ട ജനറൽ ആശുപത്രിയിൽ സൗജന്യമായി ഏകദേശം 250 -ലധികം ആളുകൾക്ക് ഉച്ച ഭക്ഷണ വിതരണവും നടത്തുന്നു. ആരോരും ഇല്ലാതെ തെരുവിൽ അകപ്പെട്ട  നൂറിലധികം മനുഷ്യർക്കാണ് ഇതിനോടകം പി.ഐ ലോനപ്പന്റെ നേതൃത്വത്തിൽ പ്രവർത്തിക്കുന്ന ഡിവൈൻ കരുണാലയം ചാരിറ്റബിൾ ട്രസ്റ്റ് ആശ്രയം ഒരുക്കിയത്. ഭക്ഷണവും മരുന്നും താമസ സൗകര്യവും അടക്കമുള്ള സൗകര്യങ്ങളാണ് കരുണാലയത്തിലെ അന്തേവാസികൾക്ക് ലഭ്യമാകുന്നത്.

കേന്ദ്ര, സംസ്ഥാന സർക്കാരുകളുടെ ചാരിറ്റി നിബന്ധനകൾ പാലിച്ചു റെജിസ്ട്രേഷനോടെയാണ് ഡിവൈൻ കരുണാലയം ചാരിറ്റബിൾ ട്രസ്റ്റ് പ്രവർത്തിക്കുന്നത്. 1999 -ൽ പത്തനംതിട്ട ഓമല്ലൂരിൽ  വാടക കെട്ടിടത്തിൽ ആണ് പ്രവർത്തനം ആരംഭിച്ചത്. ഇന്ന് മല്ലശ്ശേരിയ്ക്ക് സമീപം വാഴമുട്ടത്ത്  35 സെന്റ് സ്ഥലവും, 3500 ചതുരശ്ര അടി സ്ഥലമുള്ള കെട്ടിടങ്ങൾ ട്രസ്റ്റിന് സ്വന്തമായി ഉണ്ട്. പത്തനംതിട്ട ജില്ലയിൽ അങ്ങാടിക്കലിൽ സ്വന്തമായുള്ള സെമിത്തേരിയിൽ ഇതിനോടകം അന്തരിച്ച 100 -ലധികം അന്തേവാസികളെ സംസ്കരിക്കുകയും ചെയ്തിട്ടുണ്ട്.

പ്രവാസ ജീവിതത്തിന് ശേഷം ആണ് പി.ഐ ലോനപ്പൻ ജീവ കാരുണ്യ പ്രവർത്തനം തുടങ്ങിയത്. അദ്ദേഹവും ട്രസ്റ്റ് അംഗം ആയ ഭാര്യ ആനിയമ്മയും കൂടിയാണ് പ്രവർത്തനങ്ങൾക്ക് ചുക്കാൻ പിടിക്കുന്നത്. 3 സ്ഥിരം ജീവനക്കാരും സ്ഥാപനത്തിൽ പ്രവർത്തിക്കുന്നു. കഴിഞ്ഞ കുറച്ചു വർഷങ്ങളായി ഡബ്ള്യു.എം.സി അയർലൻഡ് പ്രൊവിന്സിന്റെ ജീവകാരുണ്യ പ്രവർത്തങ്ങളുടെ ഭാഗമായി, അയർലൻഡ് മലയാളികളുടെ സഹകരണത്തോടെ ഡിവൈൻ കരുണാലയത്തിന്  സാമ്പത്തിക സഹായം ചെയ്യുന്നുണ്ട്. 

ഡബ്ള്യു.എം.സി അയർലൻഡ് പ്രോവിന്സിന്റെ അവാർഡ് ഫലകവും, അവാർഡ് തുകയും പത്തനംതിട്ടയിലെ മല്ലശ്ശേരിയിൽ  നടക്കുന്ന ചടങ്ങിൽ പി.ഐ ലോനപ്പന് സമ്മാനിക്കും. 

Newsdesk

Recent Posts

വിവാഹദിനത്തിൽ ഹെലികോപ്ടർ തകർന്ന് അപകടം; മലയാളി നവവരനും പൈലറ്റിനും ദാരുണാന്ത്യം

ജോർജിയ: വിവാഹദിനത്തിൽ ഹെലികോപ്ടർ തകർന്ന് മലയാളിയായ നവവരനും പൈലറ്റും മരിച്ചു. അമേരിക്കയിലെ ജോർജിയയിലുള്ള ഡോസൺ കൗണ്ടിയിലാണ് അപകടം. മൂവാറ്റുപുഴ കടവാക്കുഴി…

1 hour ago

ഒരു മാസത്തേക്ക് പഞ്ചസാര കുറച്ചാൽ…

നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…

2 days ago

ഷോർട്ട് സ്റ്റേ ടൈപ്പ് സി വിസ നിരസിക്കലുകൾക്ക് അപ്പീൽ നൽകാനുള്ള അവകാശം പിൻവലിച്ചു

ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…

2 days ago

ഡബ്ലിനിൽ മലയാളി മെഡിക്കൽ വിദ്യാർത്ഥി ഹൃദയസ്തംഭനത്തെ തുടർന്ന് മരിച്ചു

ഡബ്ലിന്‍ : ലൂക്കനില്‍ മലയാളി യുവാവ് ഹൃദയസ്തംഭനത്തെ തുടര്‍ന്ന് മരിച്ചു. ലൂക്കന്‍ ബാലിയോവന്‍ അബിഡെയ്ല്‍ റൈസിലെ രാജു കുര്യാക്കോസിന്റെ മകന്‍…

2 days ago

അയർലണ്ടിൽ ഊർജ്ജ നിരക്കുകൾ കഴിഞ്ഞ വർഷത്തേക്കാൾ 11.9% വർധിച്ചു

സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…

3 days ago

ഡബ്ലിനിൽ റെയിൽ ഗതാഗത സർവീസുകൾ തടസ്സപ്പെടും

ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…

3 days ago