77ാമത് ഗോള്‍ഡന്‍ ഗ്ലോബ് പുരസ്‌കാരം പ്രഖ്യാപിച്ചു. മികച്ച നടനുള്ള (ഡ്രാമ വിഭാഗം) പുരസ്‌കാരം പ്രശസ്ത ഹോളിവുഡ് താരം യോക്കിന്‍ ഫീനിക്‌സ് സ്വന്തമാക്കി. ജോക്കറിലെ അഭിനയത്തിനാണ് പുരസ്‌കാരം. ഇത് രണ്ടാം തവണയാണ് അദ്ദേഹത്തിന് മികച്ച നടനുള്ള ഗോള്‍ഡന്‍ ഗ്ലോബ് അവാര്‍ഡ് ലഭിക്കുന്നത്.
മോഷന്‍ പിക്ച്ചര്‍ വിഭാഗത്തില്‍ മികച്ച സംവിധായകനുള്ള പുരസ്‌കാരം സാം മെന്‍ഡിസ് നേടി. ചിത്രം 1917. ഡ്രാമ വിഭാഗത്തില്‍ മികച്ച നടിയായി റെനി സെല്ല്വെഗര്‍ തിരഞ്ഞെടുക്കപ്പെട്ടു. ചിത്രം ജൂഡി.
മികച്ച നടന്‍ (മ്യൂസിക്കല്‍ കോമഡി വിഭാഗം: ടാരന്‍ എഗെര്‍ടണ്‍ (റോക്കറ്റ്മാന്‍)
മികച്ച സഹനടന്‍ (മോഷന്‍ പിക്ച്ചര്‍ വിഭാഗം) : ബ്രാഡ് പിറ്റ് (വണ്‍സ് അപോണ്‍ എ ടൈം ഇന്‍ ഹോളിവുഡ്
മികച്ച സഹനടി (മോഷന്‍ പിക്ച്ചര്‍ വിഭാഗം) : ലോറ ഡേണ്‍: മാര്യേജ് സ്റ്റോറി
മികച്ച തിരക്കഥ (മോഷന്‍ പിക്ച്ചര്‍ വിഭാഗം) : ക്വന്റീന്‍ ടരന്റീനോ വണ്‍സ് അപോണ്‍ എ ടൈം ഇന്‍ ഹോളിവുഡ്
മികച്ച വിദേശ ഭാഷ ചിത്രം (മോഷന്‍ പിക്ച്ചര്‍ വിഭാഗം): പാരസൈറ്റ്
മികച്ച ചിത്രം (മോഷന്‍ പിക്ച്ചര്‍ഡ്രാമ വിഭാഗം): 1917
മികച്ച ചിത്രം (മോഷന്‍ പിക്ച്ചര്‍മ്യൂസിക്കല്‍, കോമഡി വിഭാഗം): വണ്‍സ് അപോണ്‍ എ ടൈം ഇന്‍ ഹോളിവുഡ്
ഏറ്റവും കൂടുതല്‍ നോമിനേഷനുകളുണ്ടായിരുന്ന മാര്യേജ് സ്റ്റോറിക്ക് കാര്യമായ പുരസ്‌കാരങ്ങളൊന്നും നേടാനായില്ല. നോവ ബൗമ്പച്ച് സംവിധാനം ചെയ്ത ചിത്രം ആറ് വിഭാഗങ്ങളില്‍ നോമിനേറ്റ് ചെയ്യപ്പെട്ടിരുന്നു. അമേരിക്കന്‍ വിനോദലോകത്തിനു നല്കിയ സമഗ്രസംഭാവന പരിഗണിച്ച് ടോം ഹാങ്ക്‌സിനെ ചടങ്ങില്‍ ആദരിച്ചു. ടെന്‍ കമാന്‍ഡ്മെന്റസ് (1923) അടക്കം വിഖ്യാത ചിത്രങ്ങളൊരുക്കി അമേരിക്കന്‍ സിനിമയുടെ അടിസ്ഥാനശിലയിട്ട സെസില്‍ ബി ഡിമെല്ലെയുടെ പേരിലായിരുന്നു ഈ പുരസ്‌കാരം.
കാലിഫോര്‍ണിയയിലെ ബിവര്‍ലി ഹിന്റണ്‍ ഹോട്ടലില്‍ ആയിരുന്നു അവാര്‍ഡ് ചടങ്ങ്. റിക്കി ഗെര്‍വൈസ് ആയിരുന്നു അവതാരകന്‍. ചലച്ചിത്ര-ടെലിവിഷന്‍ രംഗത്തെ മികച്ച നേട്ടങ്ങളെ അംഗീകരിക്കുന്നതിനായി ഹോളിവുഡ് ഫോറിന്‍ പ്രസ് അസോസിയേഷനാണ് ഗോള്‍ഡന്‍ ഗ്ലോബ് പുരസ്‌കാരം നല്‍കുന്നത്.
25 വർഷത്തെ ഇടവേളയ്ക്ക് ശേഷം ലിമെറിക് നഗരത്തെയും ഫോയ്‌നസ് തുറമുഖത്തെയും ബന്ധിപ്പിക്കുന്ന റെയിൽപാതയിൽ വീണ്ടും ട്രെയിൻ ഓടിത്തുടങ്ങി. 2001-ൽ അടച്ചുപൂട്ടിയ…
ജീവനക്കാരുടെ കടുത്ത ക്ഷാമത്തെത്തുടർന്ന് കൗണ്ടി കിൽഡെയറിലെ നാസ് ജനറൽ ആശുപത്രിയിൽ നഴ്‌സുമാർ വീണ്ടും അനിശ്ചിതകാല സമരം ആരംഭിച്ചു. ജീവനക്കാരുടെ കുറവ്…
യൂറോപ്യൻ സെൻട്രൽ ബാങ്ക് (ECB) പ്രസിഡന്റ് ക്രിസ്റ്റീൻ ലഗാർഡ് പദവി ഒഴിയാൻ തീരുമാനിച്ചു. 2027 ഫെബ്രുവരി 7-ന് സ്ഥാനമൊഴിയുമെന്ന് ബാങ്ക്…
കൊച്ചി: ചേരാനല്ലൂർ വാഹനാപകടവുമായി ബന്ധപ്പെട്ട കേസിൽ രണ്ടാം പ്രതിയായ അഡീഷണൽ ജഡ്‌ജിയുടെ അറസ്റ്റ് ഹൈക്കോടതി തടഞ്ഞു. കേസിൽ ഒന്നാം പ്രതിയായ…
മാലോ: വിന്റർ പ്രീമിയർ ലീഗിന്റെ ആദ്യ പതിപ്പിന് നവംബർ 22ന് മാലോ ജിഎഎ വേദിയാകും. ടൈലെക്സ് (TILEX) ടൈറ്റിൽ സ്പോൺസറാകുന്ന…
അയർലൻഡിലെ യാത്രക്കാർക്ക് ആശ്വാസമാകുന്ന നിർണായക ഗതാഗത വികസന പദ്ധതിക്ക് തുടക്കമാകുന്നു. ഡബ്ലിനിൽനിന്ന് കൗണ്ടി കിൽഡെയറിലെ കിൽകോക്കിലേക്കും കൗണ്ടി മീത്തിലെ M3…