അന്താരാഷ്ട്ര ബുക്കർ പ്രൈസ് പട്ടികയിൽ പത്മ വിശ്വനാഥൻ

ലിറ്റിൽ റോക്ക്: (ടെക്സാസ് ) 2026-ലെ അന്താരാഷ്ട്ര ബുക്കർ പ്രൈസ് ലോങ്ങ്‌ലിസ്റ്റിൽ  ഇന്ത്യൻ വംശജയായ കനേഡിയൻ എഴുത്തുകാരിയും നാടകകൃത്തുമായ പത്മ വിശ്വനാഥൻ ഇടംപിടിച്ചു. ബ്രസീലിയൻ എഴുത്തുകാരി അന പൗള മായയുടെ ‘On Earth As It Is Beneath’ എന്ന പോർച്ചുഗീസ് നോവലിന്റെ ഇംഗ്ലീഷ് വിവർത്തനത്തിനാണ് ഈ അംഗീകാരം.

58 വയസ്സുകാരിയായ പത്മ നിലവിൽ അർക്കൻസാസ് സർവ്വകലാശാലയിൽ ക്രിയേറ്റീവ് റൈറ്റിംഗ് പ്രൊഫസറാണ്.

50,000 പൗണ്ട് (ഏകദേശം 52 ലക്ഷം രൂപ) ആണ് പുരസ്കാര തുക. ഇത് എഴുത്തുകാരിക്കും വിവർത്തകയ്ക്കും തുല്യമായി വീതിച്ചു നൽകും.

അധികാരത്തെയും അഴിമതിയെയും കുറിച്ച് പ്രതിപാദിക്കുന്ന ഈ നോവൽ വായനക്കാരുടെ മനസ്സിനെ പിടിച്ചുലയ്ക്കുന്ന ഒന്നാണെന്ന് ജൂറി വിലയിരുത്തി.

വിവിധ ഭാഷകളിൽ നിന്ന് വിവർത്തനം ചെയ്യപ്പെട്ട 13 കൃതികളാണ് പട്ടികയിലുള്ളത്. ജർമ്മൻ, സ്പാനിഷ്, പേർഷ്യൻ തുടങ്ങി ലോകത്തിന്റെ വിവിധ ഭാഗങ്ങളിൽ നിന്നുള്ള കൃതികൾ ഇതിലുൾപ്പെടുന്നു.

മാർച്ച് 31-ന് പുരസ്കാരത്തിനായുള്ള അവസാന ആറ് പുസ്തകങ്ങളുടെ പട്ടിക (Shortlist) പ്രഖ്യാപിക്കും. വിജയിയെ മെയ് 19-ന് ലണ്ടനിൽ നടക്കുന്ന ചടങ്ങിൽ പ്രഖ്യാപിക്കുന്നതാണ്. 2025-ൽ കന്നഡ എഴുത്തുകാരി ഭാനു മുഷ്താഖിന്റെ കൃതിക്കായിരുന്നു ഈ പുരസ്കാരം ലഭിച്ചത്.

പി പി ചെറിയാൻ

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb