ദുബായ്: യു.എ.ഇയില് പ്രവാസികള് മരണപ്പെട്ടാല് ബന്ധപ്പെട്ടവര് എത്രയും വേഗം വിവരം കോണ്സുലേറ്റില് അറിയിക്കണമെന്ന് ദുബായിലെ ഇന്ത്യന് കോണ്സുലേറ്റ്.
മോര്ച്ചറികളില് നിന്നും മൃതദേഹം ഏറ്റെടുക്കുന്നതിലെ കാലതാമസം ഒഴിവാക്കാനാണിതെന്ന് അധികൃതര് പറയുന്നു. യഥാസമയം വിവരം കോണ്സുലേറ്റിനെ അറിയിച്ച് പ്രാദേശികമായ നടപടികള് പൂര്ത്തീകരിക്കാന് വൈകുന്നത് കൊവിഡ് പ്രതിസന്ധിയുടെ സമയത്ത് സര്ക്കാര് സംവിധാനങ്ങള്ക്കും മോര്ച്ചറികള്ക്കും കൂടുതല് പ്രയാസം ഉണ്ടാക്കുമെന്ന് കോണ്സുലേറ്റ് സാമൂഹമ്യമാധ്യമങ്ങളില് പുറത്തു വിട്ട അറിയിപ്പില് പറയുന്നു.
തൊഴിലുടമകള്ക്കും സ്പോണ്സര്മാക്കും തങ്ങളുടെ കീഴിലുള്ള ഇന്ത്യക്കാരുടെ മരണം deathregistration.dubai.in എന്ന ഇമെയില് വിലാസത്തിലോ 971-507347676 എന്ന നമ്പറിലേക്കോ അിയിക്കാം. തുടര് നടപടികള്ക്ക് ക്ലിയറന്സ് കോണ്സുലേറ്റില് നിന്ന് ലഭ്യമാക്കുമെന്നും അധികൃതര് അറിയിച്ചു.
ദുബായിലും വടക്കന് എമിറേറ്റ്സിലും മരണപ്പെട്ട ചില ഇന്ത്യക്കാരുടെ വിവരങ്ങള് യഥാ സമയം കോണ്സുലേറ്റിനെ അറിയിച്ചിരുന്നില്ലെന്ന് കണ്ടെത്തിയതിന്റെ അടിസ്ഥാനത്തിലാണ് അറിയിപ്പ്.
