കൊച്ചി: ഹെലികോപ്റ്റർ അപകടത്തിൽ നിന്നും രക്ഷപ്പെട്ട വ്യവസായി എം എ യൂസഫലി ഇന്ന് പുലർച്ചെ ഒന്നരയോടെ അബുദാബിയിലേക്ക് മടങ്ങി. കൊച്ചിയിൽ നിന്നും പ്രത്യേക വിമാനത്തിലായിരുന്നു യൂസഫലിയും കുടുംബവും അബുദാബിക്കു മടങ്ങിയത്. അബുദാബി രാജകുടുംബമാണ് വിമാനം അയച്ചത്. യൂസഫലിയുടെ തുടർ ചികിത്സ വിദേശത്തായിരിക്കുമെന്ന് ലുലു ഗ്രുപ്പ് അറിയിച്ചു.
കൊച്ചി കടവന്ത്രയിലെ വീട്ടിൽ നിന്ന് വ്യവസായി എം എ യൂസഫലിയും ഭാര്യയും അടക്കം ആറ് പേർ യാത്ര ചെയ്തിരുന്ന ഹെലികോപ്റ്റർ യന്ത്ര തകരാർ മൂലം പനങ്ങാട്ടെ ചതുപ്പ് നിലത്ത് ഇടിച്ചിറക്കുകയായിരുന്നു. ആളപായമില്ല. കനത്ത മഴയും കാറ്റും പ്രദേശത്ത് ഉണ്ടായിരുന്നു. ഇന്നലെ രാവിലെ എട്ടരയോടെയാണ് അപകടം സംഭവിച്ചത്.
