രണ്ടാം പിണറായി മന്ത്രിസഭയില് പുതുമുഖങ്ങള്ക്കും സ്ത്രീകള്ക്കും ഇടംനല്കാൻ സാധ്യത. പുതിയ മന്ത്രിസഭാ രൂപീകരണം സംബന്ധിച്ച് പോളിറ്റ് ബ്യൂറോ അംഗങ്ങളായ പിണറായി വിജയൻ, കോടിയേരി ബാലകൃഷ്ണൻ, എം എ ബേബി, എസ് രാമചന്ദ്രൻ പിള്ള എന്നിവര് ചേര്ന്നു നടത്തിയ കൂടിയാലോചനയിലാണ് സിപിഎം ഇങ്ങനെയൊരു തീരുമാനം സ്വീകരിക്കുന്നത്.
കെ കെ ശൈലജ ഒഴികെ കഴിഞ്ഞ മന്ത്രിസഭയിലെ അംഗങ്ങളുടെ കാര്യത്തില് സിപിഐഎമ്മില് പുനരാലോചനയുണ്ട്. അതേസമയം കെകെ ശൈലജയ്ക്ക് പുറമെ എം വി ഗോവിന്ദൻ, കെ രാധാകൃഷ്ണൻ, കെ എൻ ബാലഗോപാൽ, പി രാജീവ് എന്നിവര് മന്ത്രിസഭയിലുണ്ടാകുമെന്നാണ് റിപ്പോര്ട്ടുകള്. ഒന്നാം പിണറായി സര്ക്കാരിലെ 20 മന്ത്രിമാരില് 13ഉം സിപിഐഎമ്മില് നിന്ന് ആയിരുന്നു.
കോവിഡ് വ്യാപന പശ്ചാത്തലത്തിൽ സത്യപ്രതിജ്ഞ വൈകും. ഈ മാസം 18 നു ശേഷമേ പിണറായി സർക്കാർ അധികാരത്തിൽ വരൂ എന്നാണ് റിപ്പോർട്ട്.
