പെരുമ്പാവൂർ: നിർത്തിയിട്ട തടി ലോറിക്കു പിന്നിൽ കാറിടിച്ച് മൂന്നു പേർ മരിച്ചു. എംസി റോഡിൽ പുല്ലുവഴി കലവറ ഹോട്ടലിനു സമീപം പുലർച്ചെ 3.30നാണ് അപകടം. മലപ്പുറം കോഡൂർ മൂഴിത്തോട്ടിൽ ഹനീഫ (28), സഹോദരൻ ഷാജഹാൻ (27), ഭാര്യ സുമയ്യ (20) എന്നിവരാണ് മരിച്ചത്. മലപ്പുറത്ത് നിന്നും സുമയ്യയുടെ മുണ്ടക്കയത്തെ വീട്ടിലേക്ക് പോകുന്നതിനിടെയാണ് അപകടം. മൃതദേഹങ്ങള്‍ പെരുമ്പാവൂര്‍ താലൂക്ക് ആശുപത്രിയിലേക്കും പെരുമ്പാവൂർ സാഞ്ചോ ആശുപത്രിയിലേക്കും മാറ്റി.
