പാറശ്ശാല: പശുവിന്റെ കയറില്‍ കുരുങ്ങി പരിക്കേറ്റ് ഒന്നര വയസ്സുകാരിയ്ക്ക് ദാരുണാന്ത്യം.
ചെങ്കവിള അയിര വെളിയംകോട്ടുകോണം മേക്കേത്തട്ട് വീട്ടില്‍ രാജേഷ് -ഷൈനി (മഞ്ജു) ദമ്പതികളുടെ മകള്‍ സൈറയാണ് മരിച്ചത്.
ഞായറാഴ്ച രാവിലെയാണ് സംഭവം. വീട്ടിനു സമീപത്തെ ബന്ധുവീട്ടിലെ പശുവിന്റെ കയറില്‍ കുരുങ്ങിയായിരുന്നു അപകടം.
പശുക്കുട്ടിയുടെ അടുത്തേക്ക് ഓടിയെത്തിയ സൈറയുടെ ദേഹത്ത് തള്ള പശുവിെന്‍റ കയര്‍ കുരുങ്ങുകയായിരുന്നു. കയറില്‍ കുരുങ്ങിയ കുഞ്ഞിനെയും വലിച്ചു കൊണ്ട് പശു ഓടുകയായിരുന്നു. പരിക്കേറ്റ കുഞ്ഞിനെ പാറശ്ശാല താലൂക്ക് ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍ കോളേജിലും എത്തിച്ചെങ്കിലും മരണപ്പെടുകയായിരുന്നു.
തിരുവനന്തപുരം മെഡിക്കല്‍ കോളജ് മോര്‍ച്ചറിയില്‍ സുക്ഷിച്ച മൃതദേഹം തിങ്കളാഴ്ച മൃതദേഹ പരിശോധനയ്ക്ക് ശേഷം ബന്ധുക്കള്‍ക്ക് കൈമാറും.
