തിരുവനന്തപുരം: ഒമാനിലെ പ്രധാന എയർലൈൻസ് കമ്പനികളിലൊന്നായ സലാം എയറിന്റെ തിരുവനന്തപുരം-മസ്കത്ത് സർവീസ് ശനിയാഴ്ച (ഏപ്രിൽ 2) മുതൽ. മസ്കത്തിൽനിന്നു രാത്രി 10.30നു പുറപ്പെടുന്ന വിമാനം പുലർച്ചെ 3.50ന് തിരുവനന്തപുരത്തെത്തും. തിരികെ 4.35നു പുറപ്പെട്ട് 6.50ന് മസ്കത്തിൽ എത്തും.
സലാം എയറിന്റെ വരവോടെ ഒമാനിൽ ജോലി ചെയ്യുന്ന, കേരളത്തിലും തമിഴ്നാട്ടിലുമുള്ളവർക്ക് കുറഞ്ഞ ചെലവിൽ യാത്ര ചെയ്യാൻ കഴിയും. വേനൽക്കാല ഷെഡ്യൂളിൽ തിരുവനന്തപുരത്തു നിന്ന് ആദ്യമായി സർവീസ് തുടങ്ങുന്ന പുതിയ എയർലൈൻസ് ആണ് സലാം എയർ. ബാങ്കോക്ക് ഉൾപ്പെടെയുള്ള സ്ഥലങ്ങളിലേക്കുള്ള സർവീസിനും അനുമതി ലഭിച്ചിട്ടുണ്ട്. പുതിയ സർവീസുകൾക്കൊപ്പം യാത്രക്കാരുടെ സൗകര്യങ്ങളും സുരക്ഷയും ഉറപ്പു വരുത്താനുള്ള നടപടികളും സ്വീകരിച്ചു.
