അബുദാബി: അബുദാബി അതിര്‍ത്തിയില്‍ ഏര്‍പ്പെടുത്തിയ 50 ദിര്‍ഹത്തിന്റെ കോവിഡ് റാപ്പിഡ് പരിശോധന കുടുംബങ്ങള്‍ക്ക് മാത്രം.
സര്‍ക്കാര്‍ ആരോഗ്യ വിഭാഗമായ തമൊഹ് ഹെല്‍ത്ത് കെയര്‍ ആണ് ഇക്കാര്യം അറിയിച്ചത്.
ആവശ്യമെങ്കില്‍ സ്ത്രീകള്‍ക്കും പരിശോധനാ സൗകര്യം ലഭ്യമാക്കും.
ഉടന്‍ തന്നെ എല്ലാവര്‍ക്കും ഈ സേവനം ലഭ്യമാകുന്നതിനുള്ള സൗകര്യം ഒരുക്കുമെന്നും ആരോഗ്യ വിഭാഗം അറിയിച്ചു.
അബുദാബി -ദുബായ് ഹൈവേയില്‍ ഗന്ധൂത്ത് ചെക്ക് പോയിന്‍റില്‍ സജ്ജമാക്കിയ താല്‍ക്കാലിക ടെന്റില്‍ നൂറുകണക്കിന് പേരാണ് പരിശോധനയ്ക്ക് എത്തുന്നത്.
ആശുപത്രികളില്‍ നിന്നുള്ള പരിശോധനയ്ക്ക് 370 ദിര്‍ഹത്തിനടുത്താണ് ഈടാക്കുന്നത്.
അതുകൊണ്ട് തന്നെ ഗന്ധൂത്തിലെ പരിശോധനാ കേന്ദ്രത്തില്‍ വലിയ തിരക്കാണ് അനുഭവപെട്ടത്‌.
ഈ സാഹചര്യം കൂടി കണക്കിലെടുത്താണ് പരിശോധന കുടുംബങ്ങള്‍ക്ക് വേണ്ടി മാത്രമായി പരിമിത പെടുത്തിയത്.
